• Latest news

Ինչո՞ւ են երեխաներն առավել հաճախ վնասվածքներ ստանում ամռանը, քան ձմռանը, եւ ինչպե՞ս ծնողները կարող են պաշտպանել իրենց երեխաներին

28 մայիսի, 2019  19:03

Կա կարծիք, որ ձմռանը երեխաներն առավել հաճախ են վնասվածքներ ստանում, քան ամռանը: Սակայն իրականում ճիշտ հակառակն է: Ինչո՞ւ: «Քանի որ երեխաների մոտ վնասվածքներն ուղիղ կապ ունեն երեխայի ակտիվ կենսակերպի հետ»,- NEWS.am Medicine-ի հետ զրույցում ասել է Վնասվածքաբանության եւ օրթոպեդիայի գիտական կենտրոնի մանկական օրթոպեդիայի եւ վնասվածքաբանության բաժնի վարիչ Արա Այվազյանը:

Նրա խոսքով՝ երեխաների մոտ ձմռանն առավել հազվադեպ են վնասվածքներ հանդիպում, եւ հիմնականում լինում են ճանապարհատրանսպորտային պատահարների արդյունքում: Սակայն ամռանն իրավիճակը կտրուկ փոխվում է:

«Երբ ավարտվում է ձմեռը՝ նվազագույն ֆիզիկական ծանրաբեռնվածության շրջանը, երեխաները սկսում են ակտիվ կենսակերպը: Ամռանը նրանք չմուշկ, հեծանիվ են քշում, սակայն անհրաժեշտ է ուշադրություն դարձնել երեխաների անվտանգության համար նախատեսված աքսեսուարներին ծնկների եւ արմունկների համար: Դրանք իսկապես արդյունավետ են: Օրինակ, երեխաները, որոնք սովորում են չմուշկ քշել, հաճախ են ընկնում ձեռքերի վրա, դա նշանակում է, որ անհրաժեշտ է առավելագունը պաշտպանվել վնասվածքից»,- ընդգծել է փորձագետը:

Ամռանն ամենասիրելի զբաղմունքներից է նաեւ ծառ բարձրանալը: Ինչպես նշում է Այվազյանը, վնասվածքների մեծ մասն ամառային շրջանում ծառից ընկելու հետեւանքն է:

Կարո՞ղ են ծնողները վնասվածքներից պաշտպանել իրենց երեխաներին: Այվազյանի խոսքով՝ հնարավոր է, եթե երեխաները ակտիվ կենսակերպ վարեն ոչ միայն ամռանը, այլ նաեւ ձմռանը:

«Լավ կլինի, եթե ձմեռային շրջանում երեխաները հաճախեն սպորտային խմբակներ, ինչը կօգնի օրգանիզմը լավ վիճակում պահպանել: Դրա շնորհիվ՝ ոսկորներն ամուր կլինեն, իսկ մկանները՝ զարգացած: Դա դրական է ազդում նաեւ շարժումների կորդինացիայի վրա, իսկ դա շատ կարեւոր է: Շարժումը կյանքի մի մասն է: Քանի դեռ երեխան շարժվում է, նա զարգանում է»,- եզրափակել է Այվազյանը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է