• Latest news

Ինչպիսի՞ հիվանդություններ կարող է առաջացնել անկանոն քունը

7 հունիսի, 2019  15:59

Անկանոն քունը կարող է առաջացնել մի շարք հիվանդություններ, այդ թվում ճարպակալում եւ զարկերակային բարձր ճնշում: Այսպիսի եզրակացություն են կատարել ԱՄՆ-ում Բրիգամի Կանացի հիվանդանոցի մասնագետները:

Հետազոտությանը ներգրավվել է 45-ից մինչեւ 84 տարեկան 2 հազար մարդ: Փորձարկվողները մեկ շաբաթ պետք է կրեին ակտիգրաֆ, որը չափում է քնի եւ արթնանալու ժամը: Դրանից բացի, նրանք մանրամասն պատմել են իրենց կենսակերպի եւ քնի ռեժիմի մասին: Այնուհետեւ գիտնականները նրանց առողջական վիճակը վերահսկել են 6 տարի:

Պարզվել է, որ անկանոն քնով անձանց շրջանում նկատվել են մետաբոլիկ խանգարումներ՝ այն փորձարկվողների համեմատությամբ, որոնք առավելագույնս հետեւել են միեւնույն ռեժիմին: Քնի տեւողության փաստացի փոփոխությունը եւ քնելու ժամանակը փոխելու յուրաքանչյուր ժամը 27 տոկոսով մեծացնում են մետաբոլիկ համախտանիշի հավանականությունը:

Դրանից բացի, կամավորների շրջանում, որոնց քնի տեւողությունը փոփոխվել է ավելի քան մեկ ժամով, քնած ժամանակ ավելի հաճախ է առաջացել ապնոե կամ դեպրեսիվ տրամադրություն:

Հետազոտությանն արդյունքները հրապարակվել են Diabetes Care ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել