• Latest news

Հիդրոցիկլի շարժիչը պատռել է երիտասարդ կնոջ ուղիղ աղին եւ նրան զրկել մայրանալու հնարավորությունից

8 հուլիսի, 2019  19:14

Ամերիկուհի 28-ամյա Տես Ֆլեմինգի համար կյանքում առաջին անգամ հիդրոցիկլով շրջելու փորձը ողբերգական ավարտ է ունեցել: New York Post-ը փոխանցում է, որ կինը փրկարար բաճկոնակ էր հագել եւ հիդրոցիկլի վարորդի խորհրդով բռնվել իր մեջքին տեղադրված հատուկ բռնատեղերից: 80 կմ/ժամը գերազանցող արագությամբ զբոսանքը ավարտվել է հաշված րոպեներ անց՝ Տեսն ընկել է մեջքի վրա, եւ հիդրոցիկլի շարժիչը նրա մարմինը տառացիորեն շերտատել է:

Տուժողը խոստովանում է, որ դժոխային ցավ է զգացել, եւ բժիշկները ստիպված էին նրան 2 շաբաթ մտցնել դեղորայքային կոմայի մեջ: Պարզվել է, որ ջրային փոխադրամիջոցի շարժիչը պատռել է նրա հաստ աղիքը եւ 2 գլխավոր արյունատար անոթները, ինչն արյան վարակում է առաջացրել: Դրանից բացի, հայտնաբերվել են միզապարկի, կոնքի եւ վերարտադրողական օրգանների ծանր վնասածքներ, ինչի հետեւանքով Տեսը երեխաներ ունենալ չի կարողանա:

Հիվանդանոցից դուրս գրվելու առաջին ժամանակահատվածը չափազանց ծանր էր: «Ես օրը 20 ժամ քնում էի եւ ամբողջ օրը մեկ համբուրգեր ուտում»,- խոստովանում է նա: Անցյալ տարվա ընթացքում Տեսը ենթարկվել է 8 վիրահատության, ունեցել հիշողության կորուստ եւ մազաթափություն: Միայն հիմա՝ ողբերգությունից մեկ տարի հետո է կինը կարողացել հրաժեշտ տալ աղիների կոլոստոմային, որը նրան անհարմարավետություն էր պատճառում եւ ինքնագնահատականի նվազման պատճառ էր:

Չնայած ողբերգությունից հետո մնացած սպիներին, Տեսն աշխատում է չվհատվել եւ առաջ ընթանալ: Հունվարին նա դատի է տվել հիդրոցիկլերն արտադրող կանադական Bombardier Recreational Products (BRP) ընկերությանը: Նրա փաստաբան Մայքլ Ռոնեմուսը ներկայացնում է եւս մի քանի մարդկանց շահերը, որոնք համանման հայցեր են ներկայացրել հիդրոցիկլեր արտադրողների դեմ:

«Մարդիկ իսկապես չգիտեն, որ հիդրոցիկլերը կարող են դառնալ ծանր վնասվածքների պատճառ: Հույս ունենք, որ Տեսի պատմությունը կօգնի մեծացնել նրանց տեղեկացվածությունը»,- ասել է նա:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է