Բրուկլինից 48-ամյա Մայքլ Լուիսորն անգամ չէր կարող պատկերացնել, որ ուժեղ ատամնացավը նրա հոսպիտալացման պատճառ կդառնա:
News 12 New Jersey-ը նշում է, որ մինչ այդ նա ականջի ցավեր ուներ, որոնց նա նշանակություն չէր տալիս:
Տղամարդը փորձում էր ցավազրկող դեղերի միջոցով թեթեւացնել ցավը, սակայն արդեն հաջորդ առավոտյան նրա ջերմությունը բարձրացել էր, պարանոցի ուժեղ այտուցվածություն էր առաջացել եւ շնչառության հետ խնդիրներ: Բացի այդ հիվանդը գրեթե չէր կարողանում խոսել:
Հիվանդանոցում Մայքլի մոտ ախտորոշվել է Լյուդվիգի նշիկաբորբ՝ համեմատաբար հազվագյուտ հիվանդություն, որի ժամանակ կարող է սեպսիս զարգանալ եւ մահացու ելք լինել թունավորման եւ հիպոքսիայի հետեւանքով:
2017 թվականի BMJ զեկույցի համաձայն՝ առանց բժշկական միջամտության հիվանդները ողջ են մնում 50 տոկոս դեպքերում:
Մայքլի դեպքում հազվագյուտ հիվանդության պատճառ է ատամի ինֆեկցիան: Տղամարդը շտապ ինտուբացվել է. այնուհետ նրան երկշաբաթյա ստացիոնար բուժում է պահանջվել: Մայքլը խոստովանում է, որ հիվանդությունից հետո, որը կարող էր նրան կյանք արժենալ, նա թողել է ծխելը, քանի որ ծխելը բարձրացնում է օրգանիզմի խոցելիությունը ինֆեկցիաներին եւ երկարացնում է վերքերի ապաքինման ընթացքը:
Նա բոլորին կոչ է անում ուշադիր վերաբերվել առողջությանը եւ ցավի նախանշանների դեպքում դիմել բժշկի, ոչ թե ինքնաբուժությամբ զբաղվել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր