• Latest news

4 մթերք, որոնցից անհրաժեշտ է հրաժարվել 40 տարեկանից հետո

25 օգոստոսի, 2019  11:56

Եթե երիտասարդ մարդիկ երբեմն կարող են օգտագործել վնասակար սնունդ, եւ դա նրանց համար վատ հետեւանքներ չի թողնում, ապա տարիքի հետ ամեն ինչ բարդանում է: Որքան լավ եւ ճիշտ է սնվում մարդը 40 տարեկանից հետո, այնքան քիչ է հավանականությունը, որ նա կբախվի մի շարք հիվանդությունների հետ՝ սկսած քաղցկեղից մինչեւ սրտի խնդիրները:

Ձեր ուշադրությանն ենք ներկայացնում մի քանի մթերք, որոնք անհրաժեշտ է բացառել սննդակարգից 40 տարեկանից հետո, եթե դուք ցանկանում եք հնարավորինս երկար տարիներ պահպանել առողջությունն ու գեղեցկությունը:

Մարգարին

Մարգարինը (ինչպես նաեւ տարատեսակ սփրեդերը) ներկայումս ամենավնասակար մթերքներից է, սակայն, ցավոք, այդ մասին քչերը գիտեն: Մարգարինը ստացվում է հեղուկ բուսական յուղից որոշ քիմիական գործընթացների միջոցով, որոնց արդյունքում այն պնդանում է:

Հենց այդ սկզբունքն է ընկած այսպես կոչված տրանս-ճարպերի արտադրության հիմքում, որոնք ծայրահեղ բացասական են ազդում մարդու առողջական վիճակի վրա: 40 տարեկանից հետո խորհուրդ է տրվում ամբողջովին հրաժարվել մարգարինից: Իսկ բնական բուսայուղերը, որոնք ցանկալի է լինեն սառը սեղմված (օրինակ՝ ձիթապտղի), պետք է զբաղեցնեն իրենց հաստատուն տեղը սննդակարգում:

Գազավորված ըմպելիքներ

Քաղցր գազավորված ըմպելիքները վտանգավոր են ցանկացած տարիքում, ընդ որում՝ անկախ դրանց բաղադրության մեջ շաքարի կամ դրա փոխարինիչների առկայությունից բոլորը հավասարապես բացասաբար են ազդում առողջությանը: Գազավորված ըմպելիքն այն մթերքն է, որը չպետք է ներառվի ցանկացած տարիքի մարդու սննդակարգում, սակայն եթե դուք խմել եք այդպիսի ըմպելիքներ նախկինում, հրաժարվեք դրանցից գոնե 40 տարեկանից հետո:

Մշակված միս

Մշակված միսը (նրբերշիկ, երշիկ, բեկոն) պարունակում է մեծ քանակությամբ աղ եւ տրանս-ճարպեր, բացի այդ, այս մթերքները համարվում են պոտենցիալ քաղցկեղածիններ, այդ իսկ պատճառով ցանկալի է դրանք ամբողջովին բացառել սննդակարգից հնարավորինս արագ կամ, գոնե, 40 տարեկանից հետո:

Ռաֆինացված ածխաջրեր

Ռաֆինացված ածխաջրերը եւս ցանկալի է բացառել սննդակարգից ոչ միայն 40 տարեկանից հետո, այլեւ անկախ տարիքից: Այդպիսի մթերքների վնասակար բնույթը կայանում է նրանում, որ դրանք գրեթե անմիջապես ներծծվում են արյան մեջ՝ այդկերպ կտրուկ բարձրացնելով գլյուկոզայի մակարդակը: Դա կարող է հրահրել հոգնածություն, քաղցի զգացողություն, իսկ հետագայում առաջացնել դիաբետ եւ ճարպակալում: Ռաֆինացված ածխաջրերն անհրաժեշտ է փոխարինել ամբողջ հացահատիկային մթերքներով, որոնց շարքին կարելի է դասել սեւ եւ շագանակագույն բրինձը, ամբողջ հացահատիկային հացը եւ այլն:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի