• Latest news

Իսկական հրաշք. 6-րդ հարկից ընկած 2.5 տարեկան տղան վերականգնվում է (ֆոտո)

20 սեպտեմբերի, 2019  21:34

Վիքսոնների ընտանիքը Հայաստան է եկել ԱՄՆ-ից արձակուրդն այստեղ անցկացնելու համար: Նրանք հույս ունեին տեսնել Երեւանի տեսարժան վայրերն ու լավ ժամանակ անցկացնել, սակայն դրա փոխարեն արդեն 2 շաբաթ է օր ու գիշեր անցկացնում են հիվանդանոցում: Վիքսոն զույգի որդին՝ 2.5-ամյա Ադվինը, ընկել էր 6-րդ հարկից եւ հրաշքով ողջ մնացել՝ ստանալով բազմաթիվ վնասվածքներ: Այժմ նա վերականգնվում է հիվանդանոցում, եւ բժիշկները հավաստիացնում են, որ նրա հետ ամեն ինչ լավ կլինի:

Նրանք առաջին անգամ են Հայաստանում, ինչպես լրագրողներին պատմել է տղայի հայրը՝ Արթինը: Ժամանել էին գիշերը ժամը 2-ին եւ անմիջապես պառկել քնելու իրենց վարձակալած բնակարանում: Առավոտյան՝ նախաճաշի ժամանակ, ավագ որդուն նստեցրել էին պատուհանագոգին: Հոր խոսքով՝ նրանք չգիտեին ինչպես են կառուցված Հայաստանում պատուհաններին մոծապաշտպան ցանցերը եւ այդ պատճառով չեն կարծել, որ պատուհանագոգին կարող է վտանգավոր լինել. նրանց մոտ ԱՄՆ-ում պատուհանները տարբեր են եւ ցանցերը այդպիսի հեշտությամբ դուրս չեն բացվում:

Նախաճաշից հետո երեխան հենվել էր ցանցին փողոցին նայելու համար եւ ընկել պատուհանից: Մայրը բղավելով նետվել էր նրա մոտ՝ ցանկանալով բռնել նրա ոտքից, սակայն չէր հասցրել.փոքրիկն ընկել էր ցած:

Խուճապահար ծնողները վազել էին ներքեւ, որտեղ արդեն հավաքվել էր բազմությունը: Ցավոք, երեխան ընկել էր ոչ թե հողին, այլ ասֆալտին: Կանչել էին շտապ օգնություն եւ երեխային տեղափոխել էին հիվանդանոց:

Արթինը խոստովանել է, որ առաջին օրը նրանք տիկնոջ հետ անգամ հույս չունեին, որ իրենց որդին ողջ կմնա: Սակայն հետո հասկացել են, որ ամեն ինչ լավ կլինի:

 «Սուրբ Աստվածամայր» բժշկական կենտրոնի վերակենդանացման բաժանմունքի վարիչ բժշկուհի Աննա Չոբանյանը պատմել է, որ երեխայի մոտ գրանցվել է գանգի ցիրկուլյար կոտրվածք, ուղեղի վնասվածք, ողնաշարի կոմպրեսիոն կոտրվածք, ինչպես նաեւ աջ ոտքի կոտրվածքներ:

Երեխային անմիջապես տեղավորել են ինտենսիվ թերապիայի բաժանմունքում: 4 օր անց երեխան սկսել է ինքնուրույն շնչել եւ բացել է աչքերը, իսկ կարճ ժամանակ անց վերականգնվել է նաեւ գիտակցությունը: Երբ նրա վիճակը լիովին կայունացել է, երեխայի ոտքը վիրահատել են: Այժմ նա կարող է ազատորեն շարժել երկու ոտքերը եւ ձախ ձեռքը. աջ ձեռքը դեռեւս գիպսում է: Բժիշկների խոսքով՝ որոշ ժամանակ անց երեխան լիովին կվերականգնվի եւ կկարողանա քայլել: 2-3 շաբաթից նա դուրս կգրվի հիվանդանոցից:

Այսօր փոքրիկին տեսակցել է Հայաստանի վարչապետ Նիկոլ Փաշինյանի տիկին Աննա Հակոբյանը: Լրագրողների հետ զրույցում նա խոստովանել է, որ անգամ չէր ակնկալում տեսնել երեխային այդպիսի լավ վիճակում. փոքրիկը ժպտում էր եւ բավականին ակտիվ էր:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է