• Latest news

3-ամյա աղջիկը ողջ է մնացել կարի ասեղը գլխի մեջ թափանցելուց հետո

14 նոյեմբերի, 2019  15:52

ԱՄՆ Յուտա նահանգից 3-ամյա աղջիկը ողջ է մնացել կարի ասեղը գլխի մեջ թափանցելուց հետո:

Daily Mail պարբերականը հայտնում է, որ աղջիկն այդ օրը խաղում էր հարեւանների տանը. նա ցատկում էր մահճակալի վրա եւ պատկերացնում, թե կարի հսկա ասեղը կախարդական փայտիկ է: Հանկարծ նա սայթաքել է եւ ընկել հատակին, իսկ ասեղն անցել է բերանի միջով, մյուս ծայրն էլ դուրս եկել գլխից:

Աղջկան տեղափոխել են հիվանդանոց, որտեղ կատարել են համակարգչային տոմոգրաֆիա: Պատկերներում երեւում էր, որ ասեղը հասել է ուղեղի կենտրոնին՝ անցնելով  հիպոֆիզի եւ թալամուսի միջով: Նա, սակայն, հրաշքով չէր վնասել կենսականորեն կարեւոր կառույցները, ուստի բժիշկները կարողացել են ասեղը հաջողությամբ հանել: Բժիշկները խոստովանել են, որ նման բան չէին տեսել, եւ աղջկան անվանել են «աշխարհում ամենահաջողակը»:

Պաշտպանական ողնուղեղային հեղուկը դուրս էր գալիս երեխայի քթից, իսկ դրա արտահոսքը կանխելու համար 8 օրով դրենաժ է դրվել:

Հիվանդանոցում լինելու ժամանակ աղջիկը հիվանդացել է կյանքին սպառնացող բակտերիալ մենինգիտով, սակայն նրա առողջությունը ժամանակի ընթացքում վերականգնվել է, եւ նրան 2 շաբաթ հետո հիվանդանոցից դուրս են գրել:

Աղջկա ծնողներին զգուշացրել են, որ հետագայում բարդություններից խուսափելու համար նրա գլխի մասին պետք է հոգ տանել:

Լուսանկարը՝ International Journal of Pediatric Otorhinolaryngology Case Reports-ի

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է