• Latest news

Ինչպե՞ս կարող է մեր տեսողությունը տուժել վատ սնվելու պատճառով

6 հունվարի, 2020  20:16

Տարիքային մակուլոդիստրոֆիան տարեցների մոտ կուրության հիմնական պատճառներից մեկն է: Նոր հետազոտությունը, որը հրապարակվել է British Journal of Ophthalmology-ում, ցույց է տվել, որ այդ հիվանդության ուշ փուլից կարելի է խուսափել ճիշտ սնվելու դեպքում:

Հետազոտությունը ցույց է տվել, որ մարդիկ, որոնք ակտիվորեն օգտագործում են կարմիր եւ վերամշակված միս, տապակած մթերքներ, զտված հացահատիկ եւ ճարպային կաթնամթերք, 3 անգամ ավելի հաճախ են բախվում աչքերի խանգարումների հետ, որոնք վնասում են ցանցաթաղանթն ու բացասաբար ազդում կենտրոնական տեսողության վրա: Խոսքը տարիքային մակուլոդիստրոֆիայի մասին է, որն անդառնալի վիճակ է եւ մարդուն զրկում է կենտրոնական տեսողությունից:

«Ոչ անոթային տարիքային մակուլոդիստրոֆիայի ուշ փուլի բուժման մեթոդները ինվազիվ են եւ շատ թանկ, ընդ որում, անհնար է բուժել ցանցաթաղանթի պիգմենտային էպիթելի աշխարհագրական ատրոֆիան՝ մակուլոդիստրոֆիայի մեկ այլ ձեւ, որը եւս տեսողության կորուստ է առաջացնում»,- ասում է Բաֆֆոլո համալսարանից հետազոտության հեղինակ Շրուտի Դիգեն:

Տեսողությունը պաշտպանելու համար խորհուրդ է տրվում օգտագործել առողջության համար օգտակար մթերքներ՝ մրգեր եւ բանջարեղեն, ամբողջական հացահատիկ, ճարպոտ ձուկ, ձիթապտղի յուղ, ինչպես նաեւ չպետք է մոռանալ արեւածաղկի սերմերի եւ ընկույզի մասին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է