• Latest news

Հազվագյուտ հիվանդությամբ տղայի մաշկը նմանվել է օձի մաշկի (ֆոտո)

14 հունվարի, 2020  11:12

Հնդկաստանից 10-ամյա Ջագանաթը հազվագյուտ հիվանդությամբ է տառապում, որի պատճառով նրա մաշկը նման է օձի թեփուկների: Հարեւանները նրան նույնիսկ «օձ մարդ» են անվանել:

The Daily Mail-ը հայտնում է, տղայի մաշկն այսպիսին է դարձել վաղ տարիքից, իսկ խնդրի պատճառը լամելյար իխտիոզն է՝ հազվագյուտ եւ անբուժելի հիվանդություն, որի դեպքում օրգանիզմը չի կարողանում արագ ազատվել հին բջիջներից: Տղան ստիպված է ժամը մեկ լոգանք ընդունել եւ մշտապես մաշկը խոնավեցնել հատուկ քսուքներով: Սա օգնում է մաշկի ճաքճքում թույլ չտալու համար, որն ուժեղ ցավ է առաջացում:

Մաշկը Ջագանաթի մարմինն այնքան ուժեղ է ձգում, որ քայլելն անգամ ցավ է պատճառում: Նա ստիպված է օգտագործել տեղաշարժը հեշտացնող հատուկ ձեռնափայտ: Նրա ֆերմեր հայրը միջոցներ չունի լիարժեք բուժման համար, որը երեխայի վիճակը զգալիորեն կթեթեւացներ: Տղամարդն անգամ որդուն հիվանդանոց տանելու փող չունի:

Լամելյար իխտիոզն ախտորոշվում է 200 հազար մարդուց մեկի մոտ, այս պահին հայտնի է այս հիվանդության ավելի քան 20 տեսակի մասին: Դրա պատճառը գենետիկ արատն է, որը մարդու մաշկի վերականգնման արագությունը կա՛մ մեծացնում է, կա՛մ դանդաղեցնում: Երկու դեպքում էլ մաշկը ծածկվում է ձկան թեփուկներին շատ նման ինչ-որ բանով: Ներկայումս հիվանդությունն անբուժելի է համարվում:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ