• Latest news

Արալեզ գյուղից երկու երեխա եւ երկու մեծահասակ հայտնվել են հիվանդանոցում. նրանք թունավորվել են շմոլ գազով

20 հունվարի, 2020  19:00

Արալեզ գյուղի (Արարատի մարզ) ընտանիքներից մեկի 4 անդամ հոսպիտալացվել է շմոլ գազի թունավորման պատճառով։

Վեդի քաղաքի բժշկական կենտրոնում NEWS.am Medicine-ի  թղթակցին տեղեկացրին, որ տուժածներից երկուսն անչափահաս են՝ 7-ամյա աղջիկ եւ 9-ամյա տղա, ինչպես նաեւ նրանց մայրն ու տատիկը։ Նրանց հասցրել են հիվանդանոց հունվարի 19-ի երեկոյան, այն բանից հետո, երբ նրանց ինքնազգացողությունը տանը վատացել է։

Հիշեցնենք, որ շմոլ գազը (СО) այրումից առաջացող նյութերի ամենաթունավոր բաղադրիչներից է։ Այն առաջանում է գրեթե բոլոր վառվող նյութերի մարմրումից եւ այրվելուց։ Այն թոքերի միջոցով արագ հայտնվում է արյան մեջ, որտեղ ամուր կապվում է հեմոգլոբինի հետ եւ խոչընդոտում հեմոգլոբինին թթվածնի միանալուն, ինչը հանգեցնում է հյուսվածքների ու օրգանների հիպոքսիայի (թթվածնային քաղցի)։ Շմոլ գազը երկար շնչելը կարող է հանգեցնել սրտային անբավարարության, միոկարդի կաթվածի, կաթվածի, իսկ ծանր թունավորման դեպքում կարող են լինել ջղաձգումներ, կոմա եւ մահացու ելք։

Ամենից հաճախ մարդիկ շմոլ գազով թունավորվում են փակ տարածքներում, որտեղ չկա պատշաճ օդափոխություն։ Քանի որ շմոլ գազը գույն ու հոտ չունի, մարդը չի կասկածում օդում դրա առկայության մասին։

Շմոլ գազով թունավորման գլխավոր ախտանշաներն են.

  • թուլությունը
  • գլխացավը
  • հոգնածությունը
  • քնկոտությունը
  • շնչարգելությունը
  • չոր հազը
  • սրտխառնոցը
  • հավասարակշռության կորուստը
  • տեսողության վատացումը
  • հիշողության կամ գիտակցության կորուստը։

Շատ մարդիկ շմոլ գազով թունավորվելու ֆոնին ցանկանում են քնել, ինչը շատ վտանգավոր է եւ կարող է հանգեցնել մահացու ելքի։

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ