• Latest news

Շները հոտոտել են քաղցկեղային ուռուցքը եւ փրկել իրենց տիրուհու կյանքը

4 փետրվարի, 2020  22:10

Ուելսից 65-ամյա Լինդա Մանկլին վստահ է, որ ողջ է մնացել իր շների շնորհիվ: Շները նրա մոտ հոտոտել են քաղցկեղային ուռուցքը, ինչի շնորհիվ հիվանդությունը հաջողվել է ժամանակին ախտորոշել:

Ինչպես հայտնում է Daily Star-ը, 2018 թվականի սեպտեմբերին Լինդան նկատել է, որ իր գերմանական հովվաշները՝ Բեան եւ Էնիան, սկսել են իրենց տարօրինակ պահել. նրանք հոտոտել են իրենց տիրուհու կուրծքն ու սեղմվել նրան:

«Նրանք նախկինում երբեք նման բան չեն արել, եւ դա շատ տարօրինակ էր: Դա ինձ ստիպեց մտածել, որ ինչ-որ բան այն չէ»,- պատմել է Լինդան:

Դրանից հետո կինը հետազոտվել է: Պարզվել է, որ նրա մոտ կրծքագեղձի քաղցկեղի ագրեսիվ ձեւ է, եւ ուռուցքը խոցել է լիմֆատիկ հանգույցները: Բուժումը միանգամից սկսել են:

«Երբ Բեան եւ Էնիան դադարեցին ինձ հոտոտել, ես հասկացա, որ քիմիաթերապիան հաջող է անցել, եւ քաղցկեղը հաղթահարված է»,- պատմել է նա:

Կինը վստահ է, որ շները փրկել են նրան մահից, քանի որ հենց նրանց տարօրինակ պահվածքն է կնոջը ստիպել հետազոտվել եւ քաղցկեղը հայտնաբերել վաղ փուլում:

Այժմ Լինդան ամեն 3 շաբաթը մեկ քիմիաթերապիայի կուրսեր է անցնում, որպեսզի կանխի հիվանդության կրկնությունը:    

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է