• Latest news

Կարելի՞ է արդյոք հիվանդանալ քաղցկեղով տաք ապուրի պատճառով

11 փետրվարի, 2020  10:30

Հավանաբար, դուք մեկ անգամ չէ, որ լսել եք այն մասին, թե տաք ապուրների եւ ըմպելիքների օգտագործումը կարող է հանգեցնել քաղցկեղի զարգացման։ Այդպե՞ս է արդյոք իրականում։

Սննդաբան Ելենա Տոլոկոննիկովան «Արգումենտի ի ֆակտի» թերթին տված հարցազրույցում պատմել է, որ տաք կերակուրը իսկապես կարող է վնասել առողջությանը։ Ավելին, տաք ուտեստները իսկապես կարող են հանգեցնել կոկորդի եւ կերակրափողի քաղցկեղի զարգացման։

«Այո, չափազանց տաք ուտելը եւ խմելը վտանգավոր է։ Դա հղի է կերակրափողի պարբերաբար այրվածքներով։ Ուժեղ վնասվածքները երբեմն չարորակ ուռուցքների առաջացման պատճառ են դառնում»,- նկատել է բժիշկը։

Նրա խոսքերով՝ կոկորդի կամ կերակրափողի քաղցկեղով ավելի հաճախ հիվանդանում են տղամարդիկ, այդ պատճառով նրանց խորհուրդ է տրվում առավել ուշադրություն դարձնել օգտագործվող սննդամթերքի ջերմաստիճանին։

Ինչպե՞ս հասկանալ, որ ըմպելիքը կամ ապուրը չափազանց տաք է։

Գոյություն ունի հասարակ կանոն՝ եթե ուտեստը կամ ընպելիքը այրում է ձեր շուրթերը, դրանք ուտել/խմել առայժմ չի կարելի, պետք է սպասել, որ մի քիչ սառչեն։

Իսկ վտանգավո՞ր են արդյոք չափազանց սառը մթերքները։ Պարզվում է՝ այո․ չափազանց սառը ըմպելիքները եւ մթերքները, գիտական տվյալների համաձայն, նույնպես վնասում են մարսողական տրակտի լորձաթաղանթը, ինչը եւս կարող է հանգեցնել լուրջ խնդիրների։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել