ԱՄՆ Տեխաս նահանգից 18-ամյա Լորեն Նիկոլսը TikTok պլատֆորմում պատմել է այն մասին, որ ձեռքի մատների եղունգները կրծելու սովորությունը կարող էր բերել մատի անդամահատմանը:
Ինչպես հայտնում է Daily Mail պարբերականը, եղունգները կրծելու սովորության պատճառով նա հիվանդացել է վտանգավոր ինֆեկցիայով՝ պարոնիխիայով:
«Թանկագին եղունգներ կրծելու սիրահարներ, դադարեք դա անել: Ես քիչ էր մնում այդ պատճառով մատիս ծայրից զրկվեի»,- ասել է նա տեսաուղերձում:
Վախեցնող պատմությունը արագորեն վիրուսային է դարձել եւ գրավել միլիոնավոր մարդկանց ուշադրությունը:
Աղջկա խոսքով՝ հունվարի 8-ին մատի կուտիկուլի (պրոքսիմալ մահիկ) վրա նկատել է կանաչ բիծ՝ այն ընդունելով որպես ոչ մեծ կապտուկ: Աղջիկը որոշել է համացանցում տեղեկություն փնտրել եղունգամերձ թմբիկի շրջանում կապտուկի մասին եւ պարզել է, որ իր մոտ կարող էր զարգանալ պարոնիխիա: Նա հաջորդ օրը դիմել է բժշկի, որը նրան հակաբիոտիկներ է նշանակել:
Նիկոլսը, սակայն, հունվարի 10-ին հասկացել է, որ բուժումը չի օգնում, իսկ մատը սկսել է թարախակալվել ավելի ուժգին: Հունվարի 13-ին բորբոքված հատվածը մեծացել է ու դարձել վառ կարմիր: Ամերիկուհին կրկին հերթագրվել է բժշկի մոտ ընդունելության:
«Այդ ժամանակ ինձ ասացին, որ անհրաժեշտ է վիրահատություն կատարել: Եղունգները կրծելու սովորության պատճառով քիչ էր մնում մատս անդամահատեին»,- պատմել է նա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր