• Latest news

Գիտնականներն ապացուցել են ծխելու կապը մուտացիաների եւ քաղցկեղի հետ

29 ապրիլի, 2020  17:43

Ծխախոտ ծխելիս առաջացող տոքսինները վնասում են ԴՆԹ-ն, պարզել են Մեծ Բրիտանիայի University of York-ի գիտնականները: Նրանց նոր հետազոտությունը կօգնի պարզել միզապարկի քաղցկեղի առաջացման պատճառը եւ ծխելու կապն այս հիվանդության հետ:

Ինչպես հայտնում է MedicalXpress-ը` գիտնականները միզապարկի հյուսվածքներ են աճեցրել լաբորատորիայում եւ դրանք ենթարկել են ծխախոտի ծխի բաղադրիչների ազդեցությանը: Այնուհետեւ նրանք վերլուծել են բջիջների ԴՆԹ-ն` փորձի ժամանակ առաջացած եզակի մուտացիաները գտնելու համար:

Պարզվել է, որ ծխելն իսկապես վնասում է գենետիկական նյութը, սակայն միզապարկի քաղցկեղի հյուսվածքներում մուտացիաների միայն մի փոքր մասն է առաջացել համապատասխան տոքսինների պատճառով:

Այսպիսով, չնայած այն հանգամանքին, որ ծխելը միզապարկի քաղցկեղի զարգացման առանցքային գործոնն է, ծխի տոքսիններից ԴՆԹ-ի վնասվելը դժվար թե այս տեսակի չարորակ ուռուցքների ձեւավորման հիմնական պատճառը լինի:

Ըստ գիտնականների` վնասակար նյութերը կարող են գեները վնասող այլ մեխանիզմներ բաց թողնել եւ ներգրավել APOBEC ֆերմենտների ընտանիքին: Այս ֆերմենտները մուտացիաներ են առաջացնում վիրուսների մեջ եւ օրգանիզմի բնական պաշտպանության մի մասն են կազմում, սակայն երբեմն դրանք կարող են վնասել առողջ բջիջների ԴՆԹ-ն եւ քաղցկեղ առաջացնել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ