Էլեկտրոնային ծխախոտը սրտի եւ զարկերակների համար նույնքան վտանգավոր է, որքան սովորական ծխախոտը: Այս մասին ասվում է նոր հետազոտության մեջ, որի արդյունքները հրապարակվել են Journal of the American Heart Association գիտական պարբերականում:
Բոստոնի համալսարանի մասնագետներն ուսումնասիրել են 21-45 տարեկան 400 տղամարդկանց եւ կանանց արյունատար անոթների ֆունկցիաները: Նրանցից ոմանք սովորական ծխախոտներ են ծխել, մյուսները՝ էլեկտրոնային ծխախոտներ եւ վեյպեր:
Հետազոտության հեղինակները նշել են, որ սրտանոթային հիվանդությունները ծխողների մոտ մահվան հիմնական պատճառն է: Շատ ծխողներ անցնում են վեյպերի օգտագործման՝ կարծելով, թե դա կնվազեցնի օրգանիզմի վրա բացասական ազդեցությունը: Սակայն հետազոտությունը ցույց է տվել, որ դա այդպես չէ:
Հետազոտության հեղինակները խոսքով՝ որեւէ ապացույց չկա, որ էլեկտրոնային ծխախոտի օգտագործումը նվազեցնում է սրտանոթային հիվանդությունների առաջացման ռիսկը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր