• Latest news

Գիտնականները կապ են հայտնաբերել կորոնավիրուսից մահացության եւ վիտամին D-ի միջեւ

5 մայիսի, 2020  13:41

Կորոնավիրուսից մահացությունը հակադարձ համեմատական է վիտամին D-ի պարունակությանն օրգանիզում: Այդպիսի կապ է, ըստ Research Square ամսագրի, հայտնաբերվել Եղիսաբեթ թագուհի Հիվանդանոցի հիմնադրամի եւ Արևելյան Անգլիայի համալսարանի անգլիացի հետազոտողների կողմից:

Վերոնշյալ գիտնականները վերլուծել են եվրոպական քսան երկրի քաղաքացիների մոտ վիտամին D-ի միջին մակարդակի տվյալները եւ համեմատել են դրանք COVID-19-ի հետեւանքներից մահացության ցուցանիշների հետ: Ինչպես պարզվել է, վիտամին D-ի պակաս ունեցող մարդիկ ավելի հաճախ են մահացել նոր կորոնավիրուսից: Ավելին, այն երկրներում, որտեղ քաղաքացիների շրջանում այս վիտամինի պակաս է տարածված, մահացության մակարդակն ավելի բարձր է:

Վիտամին D-ի մակարդակը, ըստ գիտնականների, հատկապես ցածր էր Իսպանիայի, Իտալիայի եւ Շվեյցարիայի բնակիչների շրջանում: Դրա անբավարարությունն ամենից հաճախ գրանցվել է տարեց մարդկանց մոտ, եւ հենց նրանք են առավել հաճախ մահանում կորոնավիրուսային վարակից:

Սակայն ոչ բոլոր գիտնականներն են համակարծիք կորոնավիրուսից բարձր մահացության եւ մարդկանց մոտ վիտամին D-ի պակասի միջեւ կապի առկայության հետ: Օրինակ, վիրուսաբան Ալեքսանդր Չեպուրնովը (Ռուսաստան) կարծում է, որ երկրում վիտամին D վիտամինի մակարդակի եւ վարակվածների թվի համեմատությունը «չափազանց մեծ շանսեր ունի զուգադիպության համար»:

Իսկ ԱՀԿ-ի փորձագետները նշում են, որ վիտամին D-ի պակասի եւ կորոնավիրուսային վարակից ավելի բարձր մահացության միջեւ կապը չի կարող ապացուցված համարվել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է