• Latest news

Գիտնականներին հաջողվել է լաբորատոր պայմաններում վերստեղծել կորոնավիրուսի արհեստական ​​պատճենը

18 մայիսի, 2020  11:07

Գիտնականների միջազգային խմբին հաջողվել է լաբորատոր պայմաններում հակառակ գենետիկայի մեթոդով վերստեղծել SARS-CoV-2 կորոնավիրուսը: Այս մասին հայտնում է «Իզվեստիա»-ն՝ վկայակոչելով Cell ամսագիրը:

Գիտնականները բացատրել են, որ որպես նմուշ նրանք վիրուսի շտամ են վերցրել, որն առանձնացվել էր Միացյալ Նահանգներում կորոնավիրուսով առաջին գրանցված հիվանդի քսուքից: Նրանց հաջողվել է արհեստականորեն հավաքել կորոնավիրուսը, որն իրենից բնական վիրուսի լիարժեք պատճեն է ներկայացնում եւ նույն հատկություններն ունի:

Ըստ գիտնականների՝ ստացված վիրուսը կարող է կարեւոր գործիք դառնալ վարակի դեմ պայքարի համար: Դրա օգնությամբ, օրինակ, հնարավոր կլինի մկնային մոդելներ ստեղծել՝ կորոնավիրուսի դեմ բարձր արդյունավետության դեղամիջոցներ փորձարկելու համար:

Մոսկվայի ֆիզիկատեխնիկական ինստիտուտի գենոմային ինժեներիայի լաբորատորիայի ղեկավար Պավել Վոլչկովի խոսքով՝ հակառակ գենետիկայի մեթոդների օգնությամբ հնարավոր է վերականգնել վիրուսը, ինչպես նաեւ պարզել, թե ինչից է այն բաղկացած:

«Գիտությունը զարգանում է, եւ այժմ գենոմային ինժեներներն արդեն սովորել են «հրահանգներ գրել», այսինքն՝ կանխատեսել այս կամ այն փոխարինիչների հատկությունները: Սակայն՝ ոչ այնքան լավ՝ զրոյից SARS-CoV-2 de novo ստեղծելու համար»,- նշել է մասնագետը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ