• Latest news

Համադրված թերապիան կարող է արդյունավետ լինել ենթաստամոքսային գեղձի քաղցկեղի դեպքում․ հետազոտություն

11 հունիսի, 2020  10:48

ԱՄՆ-ում Ցինցինատիի համալսարանի գիտնականները քաղցկեղի ամենավտանգավոր տեսակներից մեկի՝ ենթաստամոքսային գեղձի քաղցկեղի բուժման նոր մեթոդ են առաջարկել։ Այն հիմնված է համադրված թերապիայի վրա, ինչպես հայտնում է lenta.ru-ն։

SapC-DOPS թերապեւտիկ միացության կիրառումը, ինչպես պարզել են գիտնականները, հատկապես օգտակար է եղել ենթաստամոքսային գեղձի քաղցկեղի բջիջներին ուղղված քիմիական նյութերը տեղ հասցնելու գործում: SapC-DOPS-ն իրենից ներկայացնում է արհեստական վեզիկուլ (փուչիկ), որը պատրաստված է բջջի մանրադիտակային բաղադրիչներից։

Նախկինում մասնագետները հայտնաբերել էին ենթաստամոքսային գեղձի քաղցկեղի համար հատուկ բիոմարկեր (ֆոսֆատիդիլսերին), որն այժմ օգտագործվում է նպատակային քիմիաթերապիայի համար: Սակայն SapC-DOPS-ի առաքման համակարգը կարող է նկատելիորեն բարելավել դեղամիջոցների արդյունավետությունը, քանի որ վեզիկուլները կարող են ընտրովի կերպով ազդել ախտահարված հյուսվածքների վրա, որոնք ունեն բիոմարկեր:

Հիշեցնենք, որ ենթաստամոքսային գեղձի քաղցկեղը ուռուցքաբանության հետ կապված մահացությունների թվով չորրորդ տեղում է: Ընդ որում, հիվանդների վեց տոկոսից էլ քիչ մասն է ապրում ախտորոշումից հետո հինգ տարվա ընթացքում: Հիվանդությունը վաղ փուլերում ընթանում է անախտանիշ, հաճախ ախտահարելով ավշային հանգույցները եւ լյարդը, իսկ ավելի հազվադեպ՝ թոքերն ու որովայնի խոռոչի օրգանները: Միայն փոքր քանակի դեղամիջոցներ են ուղղված ենթաստամոքսային գեղձի ուռուցքների դեմ, իսկ վիրահատական միջամտությունը, քիմիաթերապիան եւ ճառագայթային թերապիան երկարատեւ գոյատեւում չեն ապահովում:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է