• Latest news

Գիտնականները կորոնավիրուսով վարակվելու ռիսկը 5 անգամ նվազեցնելու միջոց են հայտնել

21 սեպտեմբերի, 2020  09:54

Ակնոց կրելը կարող է 5 անգամ նվազեցնել կորոնավիրուսով վարակման ռիսկը: Նման կարծիք են հայտնել են Նանչանգի համալսարանի չինացի գիտնականները, փոխանցում է «Իզվեստիա»-ն:

Նոր հետազոտության արդյունքները, որոնք ցույց են տալիս, որ ակնոց կրող մարդիկ շատ ավելի քիչ են վարակվում COVID-19-ով, հրապարակվել են JAMA Ophthalmology ամսագրում:

Գիտնականների կարծիքով` դա կարող է պայմանավորված լինել այն փաստով, որ ակնոց կրող մարդիկ ավելի քիչ են դիպչում իրենց աչքերին` դրանով իսկ նվազեցնելով աչքերի լորձաթաղանթի միջոցով վարակման հավանականությունը:

Վերջերս գիտնականները պարզել էին, որ աչքերի մեջ կա նաեւ ACE-2 ռեցեպտորը, որի միջոցով SARS-CoV-2 կորոնավիրուսը ներթափանցում է օրգանիզմի մեջ: Սա բացատրում է, թե ինչու վարակվածների 12 տոկոսի մոտ աչքերի կարմրություն կամ այտուցվածություն նկատվում:

Ըստ փորձագետների` կորոնավիրուսով վարակվածների շրջանում ակնոց կրող մարդիկ 5.4 անգամ ավելիքիչ են հանդիպել, քան` ընդհանուր բնակչության շրջանում, հաղորդում է «Գազետա»-ն: Գիտնականները կոչ են արել ոչ միայն ավելի հաճախ լվանալ ձեռքերը, այլեւ ավելի մեծ ուշադրություն դարձնել աչքերի պաշտպանությանը:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել