• Latest news

Որ վիտամիններն են նվազեցնում մեծահասակների մոտ շնչառական հիվանդությունների ռիսկը

28 հոկտեմբերի, 2020  23:29

A, E եւ D վիտամինների մեծ քանակով օգտագործումը կարող է կապված լինել մեծահասակների մոտ շնչառական հիվանդությունների ռիսկի նվազեցման հետ: Այս մասին հաղորդվում է BMJ Nutrition Prevention & Health ամսագրում հրապարակված ուսումնասիրության մեջ:

Ինչպես հայտնում է Eurekalert.org-ը, ուսումնասիրության հեղինակները վերլուծել են Սննդակարգի եւ սննդի հետազոտությունների ազգային ծրագրի (NDNS RP) 6100 մասնակիցների վերաբերյալ 2008-2016 թվականների տեղեկատվությունը: Այս բոլոր մարդիկ սննդի օրագրեր են լրացրել երեք կամ ավելի օրերի ընթացքում:

Մասնակիցները հայտնել են նաեւ շնչառական գանգատների մասին, որոնք բժիշկները չեն ախտորոշել: Դրանք եղել են ինչպես վարակիչ, այնպես էլ ոչ վարակիչ վիճակներ: Ընդհանուր առմամբ եղել է շնչառական հիվանդությունների բողոքների 33 դեպք: Գիտնականները ուշադրություն են դարձրել, որ այս հիվանդություններով տառապող մարդիկ ավելի հազվադեպ են ընդունել A, E, C կամ D վիտամիններ՝ լինի դա սննդի մեջ, թե սննդային հավելումների տեսքով:

Ըստ գիտնականների՝ ստացված տվյալները պահանջում են հետագա ուսումնասիրություն տարբեր էթնիկ խմբերի շրջանում եւ աշխարհագրական մարզերում՝ հաշվի առնելով կորոնավիրուսի ընթացիկ համավարակը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել