Ինչն է հղիության ժամանակ պաշտպանում պտուղը վիրուսային վարակներից

Դյուկի համալսարանի բուժքույրական դպրոցի եւ Մաունթ-Սինա բժշկական համալիրի գիտնականները պարզել են այն մոլեկուլային մեխանիզմները, որոնք կանխում են հղիության ժամանակ վիրուսային վարակի փոխանցումը մորից պտղին:

Science ամսագրում հրապարակված հետազոտության մեջ նրանք նկարագրել են GPER1 կոչվող բջջի մակերեւույթին էստրոգենի ռեցեպտորի ուղու առանցքային դերը, որը հատկապես շատ է ընկերքի եւ պտղի հյուսվածքներում:

Հետազոտողների խոսքերով՝ GPER1 ռեցեպտորները կենտրոնացած են ընկերքում, որտեղ մոր արյունը թթվածին եւ սննդանյութեր է փոխանցում պտղին: Հղիության ընթացքում էստրոգենի մակարդակը շատ ավելի բարձր է, ինչը GPER1 ռեցեպտորին ավելի ունակ է դարձնում՝ ընկերքում եւ զարգացող պտղում ինտերֆերոնի ազդանշանները ճնշելու համար:

Հետազոտողները փորձել են արգելափակել էստրոգենի այս ռեցեպտորը հղի մկների մոտ՝ օգտագործելով G15 կոչվող միացությունները: Նրանք հայտնաբերել են ընդերքի փոփոխությունները A գրիպի վիրուսով վարակվելու կամ G15-ի օգտագործման ժամանակ, ինչը հանգեցրել է որոշ չափով փոքր երեխաների ծնվելուն: Բայց ինչպես G15-ի, այնպես էլ գրիպի վիրուսի առկայության դեպքում երեխաները զգալիորեն փոքր ու թույլ են եղել, եւ նրանցից շատերը մահացած են ծնվել:

Հետևեք NEWS.am Medicine-ին Facebook-ում և Twitter-ում