Ո՞ր մթերքներն են օգտակար COVID-19-ից հետո վերականգնվելու համար

Կորոնավիրուս տարած մարդկնաց խորհուրդ է տրվում իրենց սննդակարգում պղպեղ ավելացնել, հատկապես` բուլղարական: Նման խորհրդով է հանդես եկել սննդաբան Անդրեյ Կնյազկովը (Ռուսաստան): Նրա խոսքով` վիտամին C-ի պարունակությամբ բուլղարական պղպեղի հետ կարող է համեմատվել միայն մասուրը:

«Սանկտ Պետերբուրգ» հեռուստաալիքի եթերում մասնագետը նշել է, որ բոլոր պղպեղի տեսակներն էլ օգտակար նյութեր` ալկալոիդներ են պարունակում, ուստի ցանկացած պղպեղ կօգնի օրգանիզմին ավելի արագ վերականգնվել հիվանդությունից հետո: Սեւ պղպեղը, օրինակ, պիպերին է պարունակում, որը բարելավում է իմունային համակարգի աշխատանքը:

Իր հերթին, ֆիտոթերապեւտ, կենսաբանական գիտությունների թեկնածու Միխայիլ Լուշչիկը (Ռուսաստան) նույնպես կարծում է, որ կորոնավիրուսային վարակից վերականգնելու համար անհրաժեշտ է սննդակարգի մեջ կարմիր, սեւ կամ երկար պղպեղ ավելացնել: Մասնագետի խոսքով` պղպեղը մեծացնում է արյան շրջանառությունը, տաքացնում է եւ օգնում է մաքրել վնասակար մթերքները:

Հետևեք NEWS.am Medicine-ին Facebook-ում և Twitter-ում