Ո՞ր ըմպելիքն է օգտակար քունը բարելավելու համար

Կոնանավոր կերպով բալի հյութ խմելը կբարելավի քնի որակը: Այս մասին հայտնում է սննդաբան Հոլի Քլամերը (ԱՄՆ): Նրա առաջարկությունները հրապարակում է Eat This, Not That!-ը:

«Քնելուց առաջ այս հյութը կօգնի ձեզ ավելի արագ քնել: Պատճառն այն է, որ այն մելատոնին է պարունակում՝ հորմոն, որն օգնում է կարգավորել քուն-արթնություն ցիկլը»,- ասել է Քլամերը:

Նա պատմել է հետազոտության մասին, որի ընթացքում մարդկանց մի խմբին մեկ շաբաթվա ընթացքում բալի հյութ են տվել, իսկ մյուսին՝ պլացեբո: Արդյունքում, 7 օր անց առաջին խմբի քնի որակը զգալիորեն բարելավվել է:

Ճիշտ է, որոշ մարդիկ գուցե կարիք ունենան զուգարան գնալ գիշերը, եթե քնելուց առաջ բալի հյութ խմեն: Այդ դեպքում մասնագետը խորհուրդ է տալիս սննդակարգում թարմ բալ ավելացնել:

Մելատոնինից բացի, բալի մեկ բաժակ հյութը պարունակում է կալիումի օրական արժեքի 7 տոկոսը, ինչը եւս կարող է օգնել ձեզ ավելի լավ քնել:

Հետևեք NEWS.am Medicine-ին Facebook-ում և Twitter-ում