Գիտնականները երեխաների մոտ COVID-19-ի ախտանիշներ են հայտնաբերել բուժումից ամիսներ անց

Յուրաքանչյուր յոթերորդ երեխան ապաքինումից 3 ամիս անց բախվում է կորոնավիրուսային վարակի մշտական ​​ախտանիշների: Այս մասին հայտարարել է UCL Child Health Institute-ի (Բրիտանիա) մանկաբույժ Թերենս Սթիվենսոնը:

Ինչպես նշում է The Daily Mail-ը, Լոնդոնի համալսարանական քոլեջի փորձագետները հետազոտել են 11-ից 17 տարեկան 7000 երեխայի: 2021 թվականի հունվարից մարտ ամիսներին հետազոտվողների կեսի մոտ ՊՇՌ թեստի արդյունքները դրական էին: Նրանց տվյալները համեմատվել են նույն չափի խմբի հետ, որը նույն ժամանակահատվածում ունեցել է բացասական արդյունքներ:

COVID-19-ից ապաքինված հիվանդների 14 տոկոսը (յուրաքանչյուր յոթերորդը) ապաքինվելուց 3 ամիս անց ունեցել է երեք կամ ավել ախտանիշ: Երեխաների մոտ 7 տոկոսը (յուրաքանչյուր 14-րդ երեխան) ասել է, որ զգացել է կորոնավիրուսի 5 կամ ավելի ախտանիշ:

Հիվանդության ամենատարածված «մնացորդային» ազդեցություններից էին գլխացավերն ու հոգնածությունը: Ընդ որում, փորձագետները դեռահասների շրջանում COVID-19-ի լուրջ հետեւանքներ չեն հայտնաբերել:

Հետևեք NEWS.am Medicine-ին Facebook-ում և Twitter-ում