Օրական որքա՞ն հաց կարելի է ուտել

Տարբեր մարդկանց խորհուրդ է տրվում ուտել տարբեր քանակությամբ հաց՝ կախված նրանց տարիքից եւ առողջական վիճակից։ Նման կարծիք է հայտնել սննդաբան Նատալյա Կրուգլովան (Ռուսաստան):

Նրա խոսքով՝ կազմվածքի եւ առողջություն պահպանման համար պետք է սահմանափակել հացի օգտագործումը։ Քրոնիկ հիվանդությունների բացակայության դեպքում նորմար կտատանվի օրական 100-ից 200 գրամի սահմաններում:

«Միջին հաշվով՝ տղամարդու համար չափաբաժինը կազմում է մոտ 150-200 գրամ հաց, իսկ կնոջ համար՝ մոտ 100-150 գրամ»,-ասել է սննդաբանը «Ռիդուս» թերթին տված հարցազրույցում:

Երեխաների համար չափաբաժինը եւս տարբեր է՝ կախված տարիքից։ Բժիշկը խորհուրդ է տալիս երեխայի սննդակարգում չավելացնել 50-60 գրամից ավելի հաց: Հիշեցնենք, որ սպիտակ հացը համարվում է առողջության համար ամենավնասակարը, քանի որ մեծացնում է 2-րդ տիպի շաքարախտի եւ ճարպակալման զարգացման ռիսկը։  

Հետևեք NEWS.am Medicine-ին Facebook-ում և Twitter-ում