• Latest news

Կոտրված սրտի համախտանիշ. ինչ է դա եւ ինչու է տեղի ունենում

30 մայիսի, 2022  10:37

Տեխաս նահանգի Ուվալդե քաղաքի դպրոցում հրաձգության հետեւանքով չորրորդ դասարանի ուսուցչուհի Իրմա Գարսիայի մահից երկու օր անց հանկարծամահ է եղել նաեւ նրա ամուսին Ջո Գարսիան։

Ջոն ուշաթափվել է տանը՝ Իրմայի հոգեհանգստին ծաղիկներ բերելուց անմիջապես հետո: Բժիշկներն ասել են, որ ողբերգությունից հետո հանկարծակի մահը կարող է վկայել կոտրված սրտի համախտանիշի մասին՝ հազվագյուտ հիվանդություն, որը նման է սրտի նոպայի:

NYU Langone-ից սրտաբան Հարմոնի Ռեյնոլդսը նշել է, որ տրավմատիկ իրադարձությունները կարող են նաեւ մահացու սրտի նոպա հրահրել:

Սրտի նոպաներն առաջանում են զարկերակների խցանումից, որը դադարեցնում է սրտին արյան մատակարարումը: Կոտրված սրտի համախտանիշով մարդիկ, ընդհակառակը, արտազատում են սթրեսի հորմոնների, օրինակ՝ ադրենալինի պոռթկումները, որոնք թույլ չեն տալիս սրտին պատշաճ կերպով կրճատվել։ Այս վիճակը պաշտոնապես հայտնի է որպես տակուցոբուի կարդիոմիոպաթիա , հայտնում է NBC News-ը:

Քլիվլենդի կլինիկայի տվյալներով՝ բժիշկները կոտրված սրտի համախտանիշ են հայտնաբերում սրտի նոպայի կասկածով պացիենտների գրեթե 2 տոկոսի մոտ: Այն հաճախ տեղի է ունենում սթրեսային իրադարձություններից անմիջապես հետո, ինչպիսիք են ավտովթարը, ֆինանսական կորուստները կամ մոտ մարդու անսպասելի մահը:

Կոտրված սրտի համախտանիշը մարդկանց մոտ կարող է զարգանալ նաեւ դրական, էմոցիոնալ հագեցած իրադարձությունից հետո, ինչպիսին է անակնկալ խնջույքը կամ վիճակախաղում շահելը, կամ ֆիզիկական իրադարձությունից, օրինակ՝ ֆիզիկական ուժեղ ծանրաբեռնվածությունից հետո:

Սթրեսային իրադարձությունից հետո կրծքավանդակում անսովոր անհանգստությունը կամ շնչարգելությունը կարող են լինել կոտրված սրտի համախտանիշի նշաններ, սակայն միշտ չէ, որ նախազգուշացնող նշաններ են լինում, ասել է սրտաբան Դիպակ Բհաթը:

Կոտրված սրտի համախտանիշն արտաքինից նման է սրտի սովորական նոպայի: Բժիշկներն օգտագործում են պատկերային թեստեր, որպեսզի տարբերեն մեկը մյուսից եւ որոշեն ինչպես բուժել պացիենտներին:

Այս հիվանդությունն առավել տարածված է 50 եւ ավելի տարեկան կանանց շրջանում: 2021 թվականին կատարված հետազոտության մեջ կանայք կազմել են կոտրված սրտի համախտանիշի դեպքերի մոտ 88 տոկոսը: 2020 թվականի հետազոտությունը նաեւ պարզել է, որ տագնապային խանգարումներն ավելի տարածված են կոտրված սրտի համախտանիշով պացիենտների, քան առողջ մարդկանց շրջանում:

Ըստ Քլիվլենդի կլինիկայի տվյալների՝ կոտրված սրտի համախտանիշով մարդկանց մոտ 1 տոկոսն ի վերջո մահանում է դրանից: Շատերն ամբողջությամբ ապաքինվում են մեկ ամսվա ընթացքում եւ սրտի երկարատեւ վնասվածքներ չեն ունենում:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է