• Latest news

Ի՞նչ չորս վտանգավոր հիվանդությունների կարող են հանգեցնել լնդերի ախտահարումները

29 սեպտեմբերի, 2022  21:36

Լնդերի ախտահարումները մարդու ամենատարածված քրոնիկ հիվանդություններից են, որից տառապում է մարդկանց 20-50 տոկոսը ամբողջ աշխարհում:

Լնդերը չբուժվելու դեպքում կարելի է կորցնել ատամները։

Ապացույցների աճող թիվը ցույց է տալիս, որ լնդերի ախտահարումը կարող է նաեւ մեծացնել այլ լուրջ հիվանդությունների զարգացման հավանականությունը:

Անգլիայի համալսարանի բժշկության դասախոս, դոկտոր Քրիստին Բրայսոնը The Sun-ի հետ զրույցում խոսել է լնդերի հիվանդության հետ կապված մի քանի մահացու հիվանդությունների մասին:

  1. Ալցհեյմերի հիվանդություն

Ֆինն հետազոտողները պարզել են, որ մարդիկ, ովքեր տառապում են լնդերի հիվանդությամբ եւ ատամների կորստով, մոտ մեկ հինգերորդով ավելի հավանական է, որ ունենան այս ծանր հիվանդությունը, ասում է բժիշկ Բրայսոնը:

Հետազոտությունները կապ են ցույց տվել նաեւ լնդերի հիվանդության եւ ճանաչողական կարողությունների վեց անգամ անկման միջեւ:

  1. Սրտանոթային հիվանդություններ

«Սրտանոթային հիվանդությունները նույնպես ամուր կապված են լնդերի հիվանդությունների հետ»,- ասում է փորձագետը:

Խոշոր հետազոտության ժամանակ, որին մասնակցել է 60-ից բարձր տարիքի ավելի քան 1600 մարդ, լնդերի հիվանդությունը կապել են առաջին սրտի կաթվածի ռիսկի գրեթե 30 տոկոսով մեծացման հետ:

  1. 2-րդ տիպի շաքարախտ

Լնդերի հիվանդությունները 2-րդ տիպի շաքարախտի հայտնի բարդություն են, եւ լնդերի քրոնիկ հիվանդությունը մեծացնում է 2-րդ տիպի շաքարախտի զարգացման ռիսկը:

«Ապացուցվել է, որ լնդերի հիվանդությունները նաեւ նպաստում են ինսուլինի դիմադրությանը, որը կարող է խորացնել 2-րդ տիպի շաքարախտը»,- նշել է բժիշկը:

  1. Քաղցկեղային հիվանդություններ

Լնդերի հիվանդությունները կապված են նաեւ քաղցկեղի բազմաթիվ տեսակների զարգացման ռիսկի հետ:

«Օրինակ՝ լնդերի հիվանդություն ունեցող հիվանդների մոտ կերակրափողի քաղցկեղի առաջացման վտանգը 43 տոկոսով բարձր է, իսկ ստամոքսի քաղցկեղինը՝ 52 տոկոսով»,- ասել է բժիշկ Բրայսոնը:

Այլ հետազոտություններ ցույց են տվել նաեւ, որ լնդերի քրոնիկ հիվանդություն ունեցող մարդկանց մոտ 14-20 տոկոսով բարձր է ցանկացած տեսակի քաղցկեղի զարգացման ռիսկը:

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։