• Latest news

Ո՞ր սննդային հավելումներն են արդյունավետ սրտի եւ անոթների պաշտպանության համար

8 դեկտեմբերի, 2022  20:35

Ամերիկացի գիտնականները գնահատել են սննդային հավելումների արդյունավետությունը սրտանոթային հիվանդությունների ռիսկը նվազեցնելու համար եւ թվարկել են դրանցից ամենաօգտակարները: Բրաունի համալսարանի հետազոտության արդյունքները հրապարակվել են Journal of the American College of Cardiology ամսագրում:

Ենթադրվում է, որ հակաօքսիդանտային  հավելումները՝ նվազեցնելով օքսիդատիվ սթրեսը, խոչընդոտում են բազմաթիվ սրտանոթային հիվանդությունների զարգացմանը: Սրտի համար առողջարար Միջերկրածովյան դիետան ներառում է հակաօքսիդանտներով հարուստ սնունդ։

Ուսումնասիրության ժամանակ պարզվել է, որ սրտանոթային հիվանդությունների կանխարգելման համար առավել օգտակար են օմեգա-3 ճարպաթթուները (նվազեցրել են մահացությունը սրտանոթային հիվանդություններից), ֆոլաթթուն (նվազեցրել է ինսուլտի վտանգը) եւ կոենզիմ Q10-ը (նվազեցրել է մահացությունը բոլոր պատճառներից):

Օմեգա-6 ճարպաթթուները, L-արգինինը, L-ցիտրուլինը, վիտամին D-ն, մագնեզիումը, ցինկը, ալֆա-լիպոաթթուն, մելատոնինը, կատեխինը, կուրկումինը, ֆլավանոլը, գենիստեինը եւ կվերցետինը նույնպես ցույց են տվել սրտանոթային ռիսկի նվազում:

Վիտամին C-ն, վիտամին D-ն, վիտամին E-ն եւ սելենը ոչ մի ազդեցություն չեն ունեցել սրտանոթային հիվանդությունների երկարաժամկետ արդյունքների կամ 2-րդ տիպի շաքարախտի ռիսկի վրա: Իսկ բետա-կարոտինային հավելումները մեծացրել են մահացությունը բոլոր պատճառներից:  

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է