Հայտնի համաճարակաբան Յակոբո Բաուսսանոն կմասնակցի Հայաստանի 6-րդ Միջազգային բժշկական համագումարին

Վարակաբան, համաճարակաբան, Առողջապահության համաշխարհային կազմակերպության Քաղցկեղի հետազոտությունների միջազգային գործակալության կազմում գործող Վաղ հայտնաբերման, կանխարգելման և վարակների ստորաբաժանման հանրային որոշումների մոդելավորման թիմի (Լիոն, Ֆրանսիա) ղեկավար Յակոbո Բաուսսանոն մասնակցելու է Հայաստանի 6-րդ Միջազգային բժշկական համագումարին՝ որպես պլենար բանախոս։

Մինչ գործակալության թիմում ընդգրկվելը 2012թ․-ին բժիշկ Բաուսսանոն աշխատել է Քաղցկեղի կանխարգելման կենտրոնում Իտալիայում՝ Թուրինում, և Լոնդոնի Թագավորական քոլեջի հանրային առողջության դպրոցում, որտեղ նրա հետազոտությունները կենտրոնացած են եղել վարակային հիվանդությունների վերահսկման ոլորտում, ինչպես բարձր, այնպես էլ ցածր և միջին եկամուտ ունեցող երկրների խոցելի բնակչության շրջանում։ Արգանդի պարանոցի քաղցկեղի վերահսկման ոլորտում  նրա հետազոտությունները միավորում են քանակական և կանխարգելիչ մոդելավորումը դաշտային համաճարակաբանության հետ՝ բարձր և ցածր-միջին եկամուտ ունեցող երկրներում ՄՊՎ դեմ պատվաստման ազդեցության և ՄՊՎ-ԴՆԹ-ի սկրինինգի գնահատման նպատակով։

Բժիշկ Բաուսսանոն ակտիվորեն մասնակցում է գիտելիքը և տեխնոլոգիաները բարձր եկամուտ ունեցող երկրներից ցածր-միջին եկամուտ ունեցող երկրներին փոխանցելու գործին։

Հետևեք NEWS.am Medicine-ին Facebook-ում և Twitter-ում