Դեմենցիա ունեցող պացիենտների հոգեկան խանգարումների հավանականությունն ավելի բարձր է. հետազոտություն

Դեմենցիա ունեցող պացիենտները հոգեկան խանգարումներ ունենալու ավելի մեծ հավանականություն ունեն մինչեւ դեմենցիայի ախտորոշումը, նշվել է նոր հետազոտությունում, որի արդյունքները հրապարակվել են JAMA Network Open ամսագրում։

Դոկտոր Միյա Մոն Ստոկհոլմի Կարոլինյան ինստիտուտից եւ նրա գործընկերներն ուսումնասիրել են դեմենցիա ունեցող պացիենտների հոգեկան խանգարումների հավանականության ժամանակավոր օրինաչափությունները ախտորոշումից առաջ եւ հետո։ Ուսումնասիրությունում ներառվել են 796 505 մարդիկ, այդ թվում 209 245 մարդիկ, ովքեր դեմենցիա են ունեցել (2000-2017թթ.)։

Հետազոտողները հայտնաբերել են, որ հոգեկան խանգարումների համեմատական ռիսկը մշտապես բարձր է դեմենցիա ունեցող պացիենտների շրջանում՝ ստուգիչ խմբի մասնակիցների համեմատ։

Հոգեկան  խանգարումների հավանականությունն ավելանում է երեք տարվա ընթացքում, նախքան ախտորոշման հաստատումը (ռիսկի գործակիցը 1,72) եւ հասնում է գագաթնակետին ախտորոշման հաստատումից մեկ շաբաթ անց (ռիսկի գործակիցը 7,47), ինչից հետո արագ նվազում է։ Արդյունքները միանման էին Ալցհեյմերի հիվանդության, խառը դեմենցիայի, անոթային դեմենցիայի եւ չճշտված դեմենցիայի դեպքում։

Հետևեք NEWS.am Medicine-ին Facebook-ում և Twitter-ում