Արյան շիճուկում կոֆեինի մակարդակի բարձրացումը նվազեցնում է ճարպակալման ռիսկը. BMC Medicine

Լոնդոնի Կայսերական քոլեջի գիտնականները պարզել են, որ կոֆեինի վրա հիմնված ըմպելիքներ խմող մարդկանց արյան մեջ կոֆեինի բարձր մակարդակը կապված է ճարպակալման ավելի ցածր ռիսկի հետ: Արդյունքները հրապարակվել են BMC Medicine ամսագրում։

Հետազոտության ընթացքում օգտագործվել են 428,860 մարդկանց տվյալները, որոնք վերցվել են Միացյալ Թագավորության Biobank-ից՝ կենսաբանական նմուշների մեծ պահեստից: Հետազոտողները գրանցել են մասնակիցների կոֆեինի սպառման մակարդակը՝ օգտագործելով ինքնազեկուցման հարցաթերթիկներ: Հետազոտողները նաև տեղեկություններ են հավաքել հետազոտվողների առողջական վիճակի մասին և ստացել գենետիկ տվյալներ՝ արյան շիճուկում կոֆեինի կոնցենտրացիայի վերաբերյալ:

Բացի այդ, գիտնականներն անցկացրել են կենսաբանական նմուշների նյութափոխանակության և պրոտեոմիկ Մենդելյան պատահականացման վերլուծություններ՝ որոշելու կոֆեինի կենսաբանական ազդեցության մեխանիզմները օստեոարթրիտի զարգացման ռիսկի վրա: Մենդելյան պատահականացումը գեների չափված տատանումների հետազոտման մեթոդ է՝ ռիսկի գործոնի և հետաքրքրող հատկանիշի (առավել հաճախ՝ հիվանդության) միջև պատճառահետևանքային կապն ուսումնասիրելու համար:

Արդյունքները ցույց են տվել, որ արյան մեջ կոֆեինի բարձր մակարդակը այն մարդկանց մոտ, ովքեր պարբերաբար խմում են կոֆեինի վրա հիմնված ըմպելիքներ, կապված են գիրության ավելի ցածր ռիսկի հետ: Կոֆեինի օգտագործման պատճառով քաշի կորուստը նույնպես կապված է օստեոարթրիտի ռիսկի անուղղակի 33%-ով կրճատման հետ:

Գիտնականները նշել են, որ կոֆեինի այս դրական ազդեցությունը կարող է կապված լինել լիպիդային պրոֆիլի բարելավման հետ (արյան շիճուկում տարբեր ֆրակցիաների ճարպերի պարունակությունը), մարմնում քրոնիկական բորբոքումների նվազման և գլիկոգենի նյութափոխանակության փոփոխությունների հետ (այս նյութը ծառայում է որպես մարմնում գլյուկոզայի պահեստ):

Հետևեք NEWS.am Medicine-ին Facebook-ում և Twitter-ում