• Latest news

Թղթի վրա բացասական հույզեր գրելը նվազեցնում է զայրույթը. Scientific Reports

12 ապրիլի, 2024  12:12

Ճապոնացի գիտնականները զայրույթը կառավարելու հեշտ միջոց են հայտնաբերել՝ թղթի վրա գրելով ձեր արձագանքը բացասական միջադեպին, այնուհետև կտրատելով թուղթը կամ դեն նետելով այն: Այս մասին հաղորդվում է Scientific Reports ամսագրում հրապարակված հոդվածում։ Գիտական ​​աշխատանքը հակիրճ նկարագրված է MedicalXpress-ի մամուլի հաղորդագրության մեջ:

Գիտափորձի ժամանակ հետազոտողները փորձարկվողներին խնդրել են հակիրճ գրել իրենց կարծիքը սոցիալական կարևոր հարցերի վերաբերյալ, օրինակ՝ հասարակական վայրերում ծխելու: Մասնակիցները տեղեկացվել են, որ իրենց շարադրությունը կգնահատեն Նագոյա համալսարանի դոկտորանտները: Անկախ նրանից, թե ինչ են գրել կամավորները, նրանք բոլորն էլ ցածր միավորներ են հավաքել խելացիության, հետաքրքրության, ընկերասիրության, տրամաբանության և ռացիոնալության առումով: Դոկտորանտները նաև իրենց գնահատականներին ավելացրել են վիրավորական մեկնաբանություններ, ինչպես, «Չեմ կարող հավատալ, որ կրթված մարդն այդպես կմտածի»:

Այնուհետև մասնակիցներին խնդրել են գրել իրենց մտքերը գնահատման վերաբերյալ՝ կենտրոնանալով այն բանի վրա, թե ինչն է նրանց հուզել: Կամավորների առաջին խմբին խնդրել են իրենց գրածը նետել աղբարկղը կամ թողնել գրասեղանի թղթապանակում: Երկրորդ խմբում թղթի կտորը, որի վրա գրված է եղել, կա՛մ մանրացրել են, կա՛մ տեղադրել պլաստիկ տուփի մեջ:

Մասնակիցներին նաև խնդրել են գնահատել իրենց զայրույթը վիրավորանքները կարդալուց անմիջապես հետո և պատասխան գրելուց հետո: Պարզվել է, որ թուղթն աղբարկղը նետած կամ այն ​​մանրացրած մարդկանց զայրույթը վերադարձել է իր սկզբնական մակարդակին՝ թուղթը դեն նետելուց հետո։ Միևնույն ժամանակ, զայրույթի մակարդակը փոքր-ինչ նվազում է, եթե պահպանում եք ձեր գրածը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է