Սոցցանցերում անցկացրած ժամանակի կրճատումը մեղմել է դեպրեսիան եւ տագնապը երիտասարդության շրջանում. PPM

Օտտավայի Կառլտոնի համալսարանի գիտնականներն ապացուցել են, որ սոցցանցերում անցկացրած ժամանակի սահմանափակումը բարելավում է երիտասարդների հոգեվիճակը, որոնք տառապում են էմոցիոնալ սթրեսով։ Հետազոտությունը հրապարակվել է Psychology of Popular Media (PPM) գիտական ամսագրում։

Դեռահաս եւ երիտասադր տարիքը աչքի է ընկնում սոցիալական, ֆիզիկական, հուզական եւ մտավոր զգալի զարգացմամբ։ Բայց դրանք նաեւ կապված են հոգեկան խանգարումների հակման հետ։ Տվյալները ցույց են տալիս, որ երիտասարդների մոտ 20 տոկոսն ամեն տարի հոգեկան խնդիրներ է ունենում։ Ամենից հաճախ խոսքը վերաբերում է դեպրեսիային եւ տագնապայնությանը։

Մենթալ վիճակի եւ սոցցանցերի միջեւ կապն ուսումնասիրելու համար թիմը ընտրել է 17-25 տարեկան 220 ուսանող։ Նրանք բոլորը պետք է մշտապես օգտվեին սոցցանցերից եւ ունենային դեպրեսիայի եւ տագնապայնության առնվազն երկու ախտանշան։

Փորձի ընթացքում կամավորների մի մասը պետք է սոցցանցեր դիտելն ու շփումը դրանցում կրճատեր մինչեւ օրական մեկ ժամ 28 օրվա ընթացքում։ Մյուս խումբը նման ցուցում չի ստացել եւ վերահսկիչ դեր է կատարել։

Արդյունքները ցույց են տվել, որ առաջին խմբի մարդկանց մոտ դեպրեսիայի եւ տագնապի ախտանշանները նվազել են մոտ 2,35 բալով՝ վերահսկիչ խմբի համեմատ։

Հետևեք NEWS.am Medicine-ին Facebook-ում և Twitter-ում