• Latest news

Օնկոապահովագրություն 2-րդ կարծիքով և բժշկական միջազգային ապահովագրություն. EFES-ի եզակի փաթեթները հայաստանյան շուկայում

30 մայիսի, 2024  17:11

EFES ապահովագրական ընկերությունը ներկայացրել է Հայաստանի համար եզակի առաջարկներով երկու նոր ծառայությունների փաթեթ. մեր երկրի բնակիչները կկարողանան օգտվել միջազգային մակարդակի բժշկական ծառայություններից և օնկոլոգիական հիվանդությունների բուժման ծառայություններից աշխարհի ցանկացած կետում: Ավելին, նրանք կկարողանան նաև բժշկական երկրորդ կարծիք ստանալ տվյալ օնկոլոգիական ախտորոշման և բուժման առաջարկվող մեթոդների վերաբերյալ ԱՄՆ-ում գործող բժիշկներից:

EFES-ը՝ որպես միջազգային ապահովագրական համակարգի լիիրավ անդամ և ներկայացուցիչ, երկու նոր պրոդուկտները ներկայացնում է ամբողջ աշխարհում հարգված վերաապահովագրական գործընկեր ընկերությունների հետ միասին:

«Ընդամենը 22 տարի գործնական և անձնական հարաբերություններ, չորս ԲՈՒՀ, 18 գործուղումներ, բազմաթիվ նամակներ, և Swiss Re-ն ու Allianz-ը մեզ տալիս են իրենց անունից ստորագրելու իրավունք»,- կատակեց EFES-ի գլխավոր գործադիր տնօրեն Արևշատ Մելիքսեթյանը:

Oncocare with MSO. օնլոկոգիական հիվանդությունների բուժում և բժշկական երկրորդ կարծիք

Լրագրողների հետ զրույցում Արևշատ Մելիքսեթյանն ասաց, որ Oncocare with MSO ծառայության փաթեթը Հայաստանի քաղաքացիներին առաջարկում է օնկոլոգիական հիվանդություններից ապահովագրություն և բժշկական երկրորդ կարծիք։ Այս պրոդուկտը մշակվել է ծավալով և մի շարք ցուցանիշներով աշխարհում առաջինը համարվող վերաապահովագրող ընկերության՝ հանրահայտ Swiss Re-ի, ինչպես նաև բժշկական երկրորդ կարծիքների տրամադրման մեջ մասնագիտացած ամերիկյան Mediguide ընկերության հետ համատեղ։

Եթե ​​ապահովագրական պոլիս գնելուց վեց և ավելի ամիս անց մարդու մոտ օնկոլոգիական հիվանդություն է ախտորոշվում, ապա Mediguide-ի մասնագետները 10 աշխատանքային օրվա ընթացքում նրան, ուղարկված փաստաթղթերի հիման վրա, երկրորդ կարծիք են հայտնում։ Ինչպես նշեց Արևշատ Մելիքսեթյանը, նման ծառայությունը Վրաստանում գործում է մի քանի տարի, և փորձը ցույց է տվել, որ դեպքերի 85-90%-ի պարագայում երկրորդ կարծիքը փոխում է կա՛մ ախտորոշումը, կա՛մ բուժման պլանը, այդ թվում՝ վիրահատությունը։

Կողմնորոշվելով բուժման հարցում՝ հիվանդը ապահովագրական ընկերությունից ստանում է դրամական փոխհատուցում 4-ից 25 մլն դրամի չափով (10,000-60,000 եվրո)՝ կախված ընտրված պոլսից։ Եթե ​​նույնիսկ Mediguide-ի մասնագետները խորհուրդ տան բուժում, որը հասանելի չէ Հայաստանում, դա լուրջ խնդիրներ չի ստեղծի, քանի որ հիվանդը կարող է բուժվել ոչ միայն այստեղ, այլ նաև այլ երկրներում։

Քանի որ օնկոլոգիական հիվանդությունները լայնորեն տարածված են ողջ տարածաշրջանում և Հայաստանում, ակնկալվում է, որ նման ապահովագրության պահանջարկը բավականին մեծ կլինի։ Ավելին, ամսական ապահովագրավճարները սկսվում են 2900 դրամից, ինչը մեր երկրի բնակիչների մեծ մասի համար ծառայությունների փաթեթն ավելի քան մատչելի է դարձնում։

EFES1.jpg (141 KB)

International Health. Բժշկական ապահովագրության միջազգային փաթեթ

Երկրորդ նորարարական պրոդուկտը, ինչպես նշեց Արևշատ Մելիքսեթյանը, մշակվել է գերմանական Allianz-ի հետ համատեղ և առաջարկում է միջազգային բժշկական ապահովագրության նոր մակարդակի փաթեթ՝ International Health։

«Եթե այսօր Հայաստանի բնակիչը ցանկանա գնել, օրինակ, եվրոպական բժշկական ապահովագրություն, նա չի կարող դա անել, քանի որ ընտրված երկրի բնակիչ չէ և այդ երկրի ապահովագրական ծառայությունները հասանելի չեն նրա համար։ Հիմա Allianz-ի հետ միասին մենք տալիս ենք այդ հնարավորությունը»,- նշեց Մելիքսեթյանը։

Ծառայությունների այս փաթեթի շնորհիվ Հայաստանի քաղաքացիները կկարողանան բժշկական ապահովագրություն ձեռք բերել աշխարհի մեծ մասի երկրներում, բացառությամբ Հյուսիսային Ամերիկայի։ Ամսական 47,000 դրամ ապահովագրավճարի դիմաց տրամադրվում է 2,000,000 եվրոյի ծածկույթ առողջապահության գրեթե բոլոր ոլորտների համար՝ տարեկան բուժզննումներից մինչև օնկոլոգիական հիվանդությունների բուժում։ Փաթեթը հասանելի է ինչպես անհատների, այնպես էլ ընտանիքների համար, ընտանեկան պոլիսները զեղչեր կստանան:

Ծառայությունների երկու փաթեթների վաճառքը, ինչպես նշեց Մելիքսեթյանը, կսկսվի հուլիսի 1-ից, սակայն նախնական պատվերները կարող են կատարվել այսօր։

Վրաստանի փորձը. ապահովագրությունը փոխում է կյանքեր

Վրաստանի ապահովագրողների ասոցիացիայի նախագահ և միջազգային ապահովագրական փորձագետ Դևի Խեչինաշվիլին լրագրողների հետ զրույցում ասաց, որ իր երկրում մասնավոր առողջության ապահովագրությունը կազմում է շուկայի 40%-ը և ընդգրկում է 700,000 քաղաքացու:

Oncocare with MSO ծառայությունների փաթեթը, նրա խոսքով, Վրաստանում հասանելի է ավելի քան հինգ տարի, և հազարավոր մարդիկ արդեն գնել են այս պոլիսը։ Հատկանշական է, որ նրանց մեջ շատ երիտասարդներ կան։

«Իմ երկրում օնկոլոգիական հիվանդությունները ծածկող պետական ​​ծրագրերը և մասնավոր ապահովագրողները չեն համապատասխանում ժամանակակից ուռուցքաբանության մակարդակին, ուստի, բացի առկա ծառայություններից, երիտասարդները գնում են լրացուցիչ պոլիսներ»,- նշեց փորձագետը։

Նրա խոսքով՝ ինքն անձամբ գիտի մի քանի դեպք, երբ ապահովագրական ընկերությունը 50-100,000 դոլար է վճարել օնկոլոգիական հաստատված ախտորոշմամբ երիտասարդներին։

«Այդպիսի հիվանդներից մեկն աշխատում էր աղջկաս գրասենյակում։ Ապահովագրության հատուցումը ամբողջովին փոխեց նրա կյանքը»,- նշեց Խեչինաշվիլին և հավելեց, թե հույս ունի, որ EFES-ը կանի հնարավոր ամեն ինչ, որպեսզի այս պրոդուկտը լայն հասանելիություն ստանա Հայաստանի, հատկապես երիտասարդների շրջանում։

«Կարեւորը դու ես»

Ինչպես նշեց Արևշատ Մելիքսեթյանը, ի լրումն վերոնշյալ նոր պրոդուկտների, EFES-ն առաջարկում է շուկայում առկա ավանդական կամավոր ապահովագրության բոլոր տեսակները ինչպես ֆիզիկական, այնպես էլ իրավաբանական անձանց համար՝ սկսած առողջության ապահովագրությունից մինչև կիբեռպատասխանատվության ապահովագրություն:

2023-ի հուլիսի 25-ին արտոնագիր ստացած ընկերության կանոնադրական կապիտալը կազմում է 2,5 մլրդ դրամ։ 2024-ի առաջին եռամսյակում ընկերությունը հավաքել է ավելի քան 5 մլրդ դրամ ապահովագրավճար, ինչը կազմում է Հայաստանի ապահովագրական ընդհանուր շուկայի 23%-ը և կամավոր ապահովագրական շուկայի 44%-ը։

EFES-ն իր աշխատանքում առաջնորդվում է «Կարեւորը դու ես» կարգախոսով և, ինչպես նշեց ընկերության ղեկավարը, իր ռազմավարական զարգացման կենտրոնում յուրաքանչյուր հաճախորդի համար անհատական ​​հարմարեցված ծառայություններ մատուցելն է։

EFES2.JPG (77 KB)

Ապահովագրությունը Հայաստանում. հսկայական ներուժ

ՀՀ կենտրոնական բանկի վերլուծության համաձայն՝ երկրում ապահովագրական շուկան աճի հսկայական ներուժ ունի։ Կենտրոնական բանկի փոխնախագահ Արմեն Նուրբեկյանը լրագրողների հետ զրույցում ասաց, որ ապահովագրության ներթափանցման մակարդակը, որը հաշվարկվում է որպես ապահովագրավճարների տարեկան չափի հարաբերակցությունն ՀՆԱ-ի հետ, 2012-ից ի վեր եղել է ընդամենը մոտ 0,8% և վերջին տարիներին գրեթե չի աճել, մինչդեռ ՀՆԱ-ն աճել է մոտ կրկնակի՝ 4000-ից 8000 դոլար:

Դատելով այս թվերից՝ Հայաստանում ապահովագրական շուկան այսօր առնվազն կրկնապատկվելու ներուժ ունի հատկապես բժշկական ապահովագրության ոլորտում։

Այդ աճի ապահովման գործում կարևոր դեր կարող են ունենալ ինստիտուցիոնալ ներդրողները, որոնք կարող են օգնել երկրում ներդնել լավագույն միջազգային փորձը, կարծում է Նուրբեկյանը։ Այս պարագայում, ինչպես նշեց Նուրբեկյանը, և՛ Swiss Re-ն, և՛ Allianz-ը շատ լուրջ և հարգված միջազգային ընկերություններ են, և նրանց հետ համագործակցությունը բարենպաստ ազդեցություն կունենա հայկական շուկայի վրա։

Առողջ մրցակցությունը, ըստ Նուրբեկյանի, կնպաստի նաև երկրում ապահովագրական շուկայի զարգացմանը։ Մրցակցություն կա նաև այսօր՝ և՛ բանկերի, և՛ ապահովագրական ընկերությունների միջև, և Նուրբեկյանը սա լավ միտում է համարում։

EFES-ի խորհրդի նախագահ Ջորջիո Կալլեգարին իր հերթին նշեց, որ ցանկացած ներդրող ցանկանում է տեսնել երեք գործոն այն շուկայում, որտեղ նա պետք է աշխատի.

  • Աճի ներուժ,
  • Մարդկային ռեսուրսների որակ,
  • Վստահություն կարգավորող մարմինների նկատմամբ:

Ցանկացած ներդրող, ըստ Կալլեգարիի, ցանկանում է, որ իր ընկերությունը զարգանա, գործ ունենա որակյալ մարդկային ռեսուրսների և վստահելի կարգավորիչների հետ: Հայաստանում նա գտել է այս ամենը և շատ բարձր մակարդակով, ուստի հպարտությամբ ընդունել է EFES-ի գլխավոր խորհրդականի պաշտոնն ստանձնելու առաջարկը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է