Սրտի ինֆարկտի և ինսուլտի ռիսկը կարելի է կանխատեսել գոտկատեղի և հասակի հարաբերակցությամբ: Համաձայն The American Journal of Clinical Nutrition (AJCN) ամսագրում հրապարակված հետազոտության՝ այս ցուցանիշն ավելի արդյունավետ է, քան կանխատեսող այլ գործոններ, օրինակ՝ մարմնի ճարպը:
Գիտնականները վերլուծել են բրիտանական Biobank-ի 468 հազար հիվանդների տվյալները։ Նրանց հետեւել են 12 տարի։ Մարմնի ճարպի տոկոսը ինսուլտի և սրտի կաթվածի ռիսկի վատ կանխատեսում էր: Գոտկատեղի շրջագծի և հասակի հարաբերակցությունը, ընդհակառակը, պարզվել է, որ գծայինորեն կապված է սրտանոթային հիվանդությունների ռիսկի հետ. որքան բարձր է ցուցանիշը, այնքան բարձր է ռիսկը։
Գոտկատեղի շրջագծի և հասակի հարաբերակցությունը կարող է փոխարինել սիրտ-անոթային ռիսկի գնահատման սովորական միջոցներին: Ուսումնասիրությունը նաև ընդգծում է ներքին օրգանների ճարպի դեմ պայքարի կարևորությունը:
Նախորդ հետազոտությունները հաստատել են, որ գիրությունը մեծացնում է սրտանոթային հիվանդությունների վտանգը։ Սակայն, աճող ապացույցները ցույց են տալիս, որ կարևոր է հաշվի առնել ճարպի բաշխումն ամբողջ մարմնում: Դրա համար առաջարկվել է օգտագործել մարմնի ճարպի տոկոսը: Նոր բացահայտումները նշանակում են, որ ավելի կարևորը ոչ թե մարմնի ճարպի ընդհանուր մասնաբաժինն է, այլ
ներքին օրգանների ճարպի տոկոսը, որը կուտակվում է որովայնի վրա և շրջապատում ներքին օրգանները։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր