• Latest news

ՀՀ–ում 2–րդ անգամ կատարվել է սրտի ախտորոշիչ մինի համակարգի իմպլանտացիա . երիտասարդին այլևս վտանգ չի սպառնում

17 հունիսի, 2024  21:24

«Նաիրի» բժշկական կենտրոնում երիտասարդ պացիենտի կյանքը փրկելու նպատակով առաջարկել են կատարել սրտի ախտորոշիչ մինի համակարգի (Implantable Loop Recorder (ILR)) իմպլանտացիա։ Բուն իմպլանտացիան իրականացվել է «Էրեբունի» բժշկական կենտրոնում։ Ընդ որում, երիտասարդ տղան երկրորդ պացիենտն է Հայաստանում, ում տեղադրվել է ILR համակարգ։

Այն կաշխատի մի քանի ամիս, և հնարավորություն կտա բժիշկներին հաստատել տղայի ուշագնացության  սրտային պատճառը։

Ինչպես NEWS.am Medicine-ին հայտնեցին «Նաիրի» ԲԿ–ից, 2000թ. ծնված Չ․Գ. –ն դիմել է բուժկենտրոն, գանգատվելով գլխապտույտից և ուշագնացության 3 դեպքից։  Սկզբում  նա հետազոտվել է նյարդաբանի մոտ, բայց նյարդաբանական պաթոլոգիան ժխտվել է։

Այնուհետև տղային հետազոտել է բժիշկ– սրտաբան Նոննա Ասատրյանը։ Նա կատարել է սրտաբանական լայնածավալ համալիր հետազոտություններ՝ էլեկտրասրտագրություն, էխոսրտագրություն, 24-ժամյա հոլթեր մոնիթորինգ, այնուհետև՝ 72-ժամյա հոլթեր մոնիթորինգ։

Սրտաբան Նոննա Ասատրյանի և առիթմոլոգ Էթերի Աֆրիկյանի կողմից կատարված կլինիկալաբորատոր և գործիքային հետազոտությունների արդյունքում 23-ամյա երիտասարդի մոտ հայտնաբերվել է սրտի ռիթմի խանգարում, սինուսային հանգույցի թուլություն, սինոաթրիալ պաշարում տիպ 2` սինուսային դադարոներով, որոնցից ամենաերկարը տևել է 3․4 վայրկյան (քնի ժամանակ), որոնք էլ հենց հանդիսացել են տղայի ուշագնացության պատճառ։

Այս տեսակ սրտի ռիթմի խանգարումները շատ վտանգավոր են և բուժման հիմնական մեթոդը սրտի արհեստական ռիթմավար սարքի (pacemaker) իմպլանտացիան է։  Սակայն հաշվի առնելով այս պահին պացիենտի մոտ սրտի արհեստական ռիթմավար սարքի իմպլանտացիայի բացարձակ ցուցումների բացակայությունը, երիտասարդ տարիքը, գրանցված ուշագնացության փաստը և սինուսային դադարները՝ որոշվել է տեղադրել ILR համակարգ, և շարունակել հետևել երիտասարդի սրտի աշխատանքին՝ կյանքին սպառնացող վիճակները կանխելու նպատակով։ ILR–ի գրանցած տվյալների հիման վրա էլ, անհրաժեշտության դեպքում, կտեղադրվի ռիթմավար սարք։

Պացիենտը ուղեգրվել է «Էրեբունի» ԲԿ, որտեղ առիթմոլոգիական ծառայության ղեկավար Միհրան Մարտիրոսյանը տեղադրել է ILR մինի համակարգը։

Հավելենք, որ այս պաթոլոգիան երիտասարդների մոտ հազվադեպ է դրսևորվում, և միայն «Նաիրի» ԲԿ բժիշկների հմտության և զգոնության շնորհիվ հաջողվեց ճշգրիտ ախտորոշում կատարել և լուծում գտնել։ Ի դեպ, երիտասարդը 44-օրյա պատերազմի մասնակից է։

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել