Մշակվել է բժշկական սոսինձ, որը սառչելիս կորցնում է իր կպչունությունը. TLB

Ֆրայբուրգի համալսարանի գերմանացի գիտնականները նոր սերնդի բժշկական սպեղանիների համար պոլիմեր են մշակել, որը հնարավորություն է ընձեռում վիրակապը հեռացնել վերքից առանց ցավի։ Հետազոտությունը հրապարակվել է Բադեն-Վյուրտեմբերգ դաշնային նահանգի Տեխնոլոգիական արտոնագրման գրասենյակի (TLB) կայքում։

Փորձագետները նշել են, որ ինքնասոսնձվող վիրակապող նյութերի մեծ մասը դեռևս հիմնված է ավելի քան 100 տարի առաջ մշակված կաուչուկի և ցինկի օքսիդի միացության վրա: Նման սպեղանին մաշկից հեռացնելը կարող է ոչ միայն ցավ պատճառել, այլև վնասել վերականգնող հյուսվածքները։

Թիմը ստեղծել է պոլիվինիլ սպիրտի համապոլիմերներից և բյուրեղացնող կողային շղթաներով հագեցած ու ճարպաթթուների եթերներից բաղկացած սոսինձ: Այս մոտեցման ռազմավարությունը հիմնված են ջերմաստիճանի նկատմամբ զգայուն պոլիմերները, որոնք սենյակային ջերմաստիճանում մնում են ամուր և հալվում միայն մարմնի ջերմաստիճանում: Երբ նյութը սառչում է, այն բյուրեղանում է և նման կերպ կորցնում իր կպչունությունը:

Գյուտարարները նշել են, որ նոր սպեղանին հարմար է այրվածքների և վարակված վերքերի, ինչպես նաև ալերգիկ կամ զգայուն մաշկի վիրակապման համար։ Հետազոտողները մտադիր են արտոնագրել իրենց կատարելագործումը։

Միացության վրա հիմնված կպչուն վիրակապերը պոկվում են մաշկից՝ առանց հետքեր թողնելու, երբ դրանց վրա սառույց կամ այլ սառը նյութ քսենք:

Հետևեք NEWS.am Medicine-ին Facebook-ում և Twitter-ում