Կոմբուչան կարող է օգնել ճարպակալման դեմ պայքարում. The Journal of Nutrition

15 մայիսի, 2025 16:32

Ամերիկացի և բրազիլացի գիտնականները պարզել են, որ կոմբուչան (կաթնաթթվային, քացախաթթվային բակտերիաներից և խմորիչներից բաղկացած խոհարարական սիմբիոտիկ ֆերմենտացման մշակույթ՝ ՍՔՈԲԻ) նպաստում է աղիքային օգտակար մանրէների բազմացմանը և նվազեցնում է ճարպակալմանն առնչվող մանրէների համամասնությունը։ Հետազոտության արդյունքները հրապարակվել են The Journal of Nutrition (JNutri) հանդեսում։

Ճարպակալումն արդեն վնասում է աշխարհում մեկ միլիարդից ավելի մարդկանց։ Չնայած բազմաթիվ հետազոտություններին, գենետիկական, վարքային և ֆիզիոլոգիական գործոնների շրջակա միջավայրի հետ փոխազդեցության ճշգրիտ մեխանիզմները դեռևս ամբողջ խորությամբ հետազոտված չեն։ Աճող գիտական ապացույցները մատնանշում են քաշի կարգավորման գործում աղիքային միկրոբիոմի առանցքային դերը:

Ութ շաբաթ տևած գիտափորձի ընթացքում նորմալ քաշ ունեցող, ինչպես նաև ճարպակալումից տառապող 38 մասնակիցներն ամեն օր 200 մլ լաբորատորիայում պատրաստված կոմբուչա էին խմում։ Սննդակարգը և ֆիզիկական ակտիվությունը վերահսկելու համար մասնակիցները նաև հատուկ հարցաթերթիկներ են լրացրել։

Փորձից առաջ և հետո կղանքի, մեզի և արյան նմուշների հետազոտությունը ցույց է տվել, որ 145 ֆենոլային միացություններ պարունակող ըմպելիքը խթանում էր օգտակար միկրոօրգանիզմների աճը։ Ազդեցությունը հատկապես ցայտուն էր ճարպակալումից տառապող մարդկանց օրգանզիմում. նրանց աղիքներում բուտիրատներ (իրենց հակաբորբոքային և հակաօքսիդանտային հատկություններով հայտնի կարագաթթվի աղերը) արտադրող մանրէների քանակը մեծացել էր։

Հետազոտության մասնակիցների օրգանիզմում նվազել էր նաև ճարպակալմանն առնչվող մանրէների, մասնավորապես՝ Ruminococcus-ի և Dorea-ի մակարդակը։ Սակայն սնկային միկրոբիոտայի ընդհանուր բազմազանությունը մնացել է կայուն կամ նույնիսկ նվազել։ Այս ըմպելիքի օգտակար ազդեցության սկզբունքներն ավելի ճշգրիտ հասկանալու համար գիտնականները նախատեսում են լրացուցիչ հետազոտություններ անցկացնել։

Հետևեք NEWS.am Medicine-ին Facebook-ում և Twitter-ում

Print | На русском

Related News

Օրական ընդամենը 30 րոպե արագ քայլքը կարող է նվազեցնել վաղաժամ մահվան ռիսկը.BJSM Մասնակիցներին բաժանել են չորս խմբի՝ ըստ քայլերի քանակի․ 5 հազարից պակաս, 5–7,5 հազար, 7,5–10 հազար և 10 հազարից ավելի...
Ցավո՞ւմ է մեջքը կամ արմունկները․ հնարավոր է՝ չափից շատ եք խաղում սմարթֆոնով Այսպես՝ կախվածություն ունեցողների 85,3%-ը բողոքել է պարանոցի ցավերից (մյուսների շրջանում այդ ցուցանիշը 65% էր), 64,7%-ը՝ մեջքի վերին հատվածի ցավերից (մյուսների մոտ՝ 55%)․․․
Ինչպե՞ս կարող է իդեալական քնին ձգտելը խանգարել մարդուն քնել Հետազոտությունները նաև ցույց են տալիս, որ քնի թրեքերները կարող են ազդել մարդու ինքնազգացողության և աշխատունակության վրա օրվա ընթացքում
SB. Օրական ութ բաժակ ջուր խմելու կանոնը գիտական հիմնավորում չունի Օրական ընդհանուր պահանջի մեջ մտնում է բոլոր տեսակի ըմպելիքներից և մթերքներից ստացվող ջուրը
Արդեն կարոտո՞ւմ եք ամառը. ինչպես հաղթահարել թախիծը աշխատանքի վերադառնալուց հետո Ամառային արձակուրդից հետո աշխատանքի վերադառնալը կարող է դժվար փորձություն լինել...