ԱՄՆ իշխանությունը պատրաստում է ձեռքի եւ դեմքի փոխպատվաստման օրենքի նոր փոփոխություններ, որոնց համաձայն իմպլանտները կդիտվեն որպես սովորական օրգաններ։ Դա հնարավորություն կտա շատ ամերիկացի հաշմանդամների պայքարել արմատական վերականգնման համար: Մոտակա մի քանի ամիսների ընթացքում նոր քաղաքականությունը մշկելու է UNOS օրգանների փոխանակման Միացյալ ցանցը։
Այսպես կոչված «ռեկոնստրուկտիվ փոխպատվաստումները» փորձանական են եւ հազվադեպ: Բայց ներկայումս ԱՄՆ-ում ավելի ու ավելի շատ հիվանդանոցներ են իրականացնում այսպիսի բարդ վիրահատություններ, Պաշտպանության նախարարությունն ավելի շատ գումարներ է տրամադրում վիրավոր վետերանների բուժման համար, իսկ տրանսպլանտատ ստացած ռեցիպիենտները հրապարակայնորեն հայտարարում են իրենց կյանքի որակի բարելավման մասին, տեղեկացնում է Newsmax Health-ը։
« Այս ձեռքներն ինձ համար աստծո օրհնություն են» - ասաց 2011 թվականին երկու ձեռքի փոխպատվաստում ստացած 30-ամյա Լինդսեյ Արոնսոնը, Ռիչմոնդ, Վիրջինիա նահանգ: Նա կորցրեց իր ձեռքերն ու ոտքերի թաթերը 2007 թվականին վտանգավոր վարակի պատճառով:
Հուլիսին կառավարական որոշումները ուժի մեջ են մտնում՝ ձեռքի եւ դեմքի տրանսպլանտատները կենթարկվեն UNOS-ի խիստ հսկողությանը, որը կառավարում է այնպիսի օրգանների փոխպատվաստման ծրագրերը, ինչպիսիք են սիրտը կամ երիկամները: Վերջիններս կազմում են «օրգանի» նոր բնորոշման բաղկացուցիչ մասը, սկսած ոտքերից, վերջացրած շնչափողով, հնարավոր է, նույնիսկ արգանդով: Ի տարբերություն ՝ եղջերաթաղանթի, սրտի փականների եւ այլ ավելի պարզ հյուսվածքների, որոնք վերահսկվում են սննդի եւ դեղորայքի վերահսկման գործակալության (FDA) կողմից, սրանք անոթների, նյարդերի, մկանների եւ այլ հյուսվածքների բարդ համակցումներ են:
Համաձայն նոր կանոնների, պոտենցիալ ռեցիպիենտները կավելացվեն UNOS ցանցին դեմքի եւ ձեռքի համապատասխանեցման, ըստ մաշկի գույնի եւ հյուսվածքի տիպի ճիշտ ընտրության, մաշկի չափի, ինչպես նաեւ սեռի եւ տարիքի համապտասխ ընտրության համար:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր