С վիտամինի օգտակարությունը կրկին ապացուցվե՞լ է. գիտնականները կապ են հայտնաբերել զարկերակային ճնշման նվազման հետ

6 մարտի, 2026 14:58

Food & Function (F&F) գիտական ամսագրում հրապարակված հետազոտությունը հաստատում է վիտամին C-ի հավելումների ընդունման եւ մեծահասակների մոտ զարկերակային ճնշման նվազման միջեւ կապը: Գիտնականները վերլուծել են 17 պատահական կլինիկական փորձարկումների տվյալները՝ հայտնի վիտամինի իրական արդյունավետությունը գնահատելու համար։

Հետազոտության հիմնական արդյունքները

Վերլուծությունը ցույց է տվել, որ վիտամին C-ի հավելումները անհավասարաչափ ազդեցություն ունեն արյան ճնշման վրա.

Սիստոլիկ («վերին») ճնշում. միջինն իջել է 3,7 միլիմետր սնդիկի սյան։ Այս ցուցանիշը ճնշումը ֆիքսում է զարկերակներում սրտի զարկերի պահին։
Դիաստոլիկ («ստորին») ճնշում. բոլոր մասնակիցների մեջ ընդհանուր նշանակալի նվազում չի նկատվել։

Հատուկ խումբ. դիաբետ ունեցող մարդկանց մոտ զարկերակային ճնշման նվազում է նկատվել՝ միջինը 2.3 միլիմետր սնդիկի սյան։

Արժե՞ արդյոք վազել դեղատուն

Չնայած այս լավատեսական թվերին՝ հետազոտության հեղինակները կոչ են անում զգույշ լինել։ Ապացույցների ներկայիս մակարդակը համարվում է սահմանափակ մի քանի պատճառներով.

Անհրաժեշտ են մասնակիցների ավելի մասշտաբային ընտրանքներ։
Պահանջվում են երկարատեւ դիտարկումներ երկարաժամկետ էֆեկտի գնահատման համար։
Վիտամինային հավելումները չեն փոխարինում բժշկի նշանակած հիմնական թերապիային։

Կարեւոր ճշտում. Չնայած ճնշման իջեցումը մի քանի միավորով աննշան է թվում, պոպուլյացիայի մասշտաբով դա կարող է էապես բարելավել սիրտ-անոթային առողջության ցուցանիշները։

Հետևեք NEWS.am Medicine-ին Facebook-ում և Twitter-ում

Print | In English | На русском

Related News

Հազվագյուտ գենետիկական տարբերակը կապված է ճարպի ցածր մակարդակի, առողջ լյարդի և արյան մեջ շաքարի ավելի լավ վերահսկման հետ Հյուսիսային Ամերիկայից, Եվրոպայից և Ասիայից ավելի քան 1 միլիոն մարդու մասնակցությամբ լայնածավալ հետազոտության ընթացքում գիտնականները օրգանիզմում էներգիայի ծախսմանն ու կուտակմանն առնչվող 59 գեն են հայտնաբերել...
Գիտնականները հայտնաբերել են երեք գործոն, որոնք կարող են մոտ 13 տարով դանդաղեցնել դեմենցիայի զարգացումը Հետազոտության ընթացքում 3008 մարդու մոտ դեմենցիա է զարգացել, իսկ 5238 մասնակից մահացել է՝ այդպես էլ չբախվելով այդ հիվանդությանը․․․
Վիրաբույժները նշել են աղիների քաղցկեղի հինգ հիմնական ախտանիշները ACS Clinical Congress 2025-ի տվյալները փաստում են, որ հետանցքային արյունահոսությունը քաղցկեղի ախտորոշման հավանականությունը մեծացնում է 8,5 անգամ․․․
Կարո՞ղ են արդյոք ԱԲ չաթ-բոտերը վատթարացնել հոգեկան առողջությունը. 5 հավանական վտանգ Ախտորոշված հոգեկան խանգարումներ ունեցող չափահասների գրեթե կեսն առնվազն մեկ անգամ դիմել է արհեստական բանականության չաթ-բոտերին աջակցության համար՝ հաճախ դրա մասին չհայտնելով իրենց բուժող բժիշկներին: Շատերն իրենց ընտրությունը բացատրում են նրանով, որ չաթ-բոտերը հասանելի են օրվա ցանկացած ժամի, ապահովում են լիարժեք անանունություն և չեն կշտամբում...
8 փաստ աղիքային միկրոբիոմի և դրա առողջությունը պահպանելու մասին Բացի դրանից, հետազոտությունները ցույց են տալիս, որ միևնույն նմուշը տարբեր լաբորատորիաներում կարող է տարբեր արդյունքներ տալ՝ վերլուծության մեթոդների տարբերության պատճառով։ Շատ առևտրային թեստեր նաև չեն անցնում որակի այնպիսի խիստ վերահսկողություն, ինչպիսին անցնում են բժշկական ախտորոշիչ հետազոտությունները...