Գիտնականները պարզ միջոց են գտել առանց դեղորայքի ուղեղի ծերացումը դանդաղեցնելու համար

Alzheimer's & Dementia ամսագրում հրապարակված ուսումնասիրության հեղինակների կարծիքով՝ սոցիալական բարձր ներգրավվածությունը դանդաղեցնում է ուղեղի ծերացումը։

Հետազոտողները վերլուծել են ավելի քան վեց հազար տարեց մեծահասակների տվյալներ և գնահատել նրանց սոցիալական ակտիվության մակարդակը՝ մասնակցություն համայնքային միջոցառումներին, ընտանիքի և ընկերների հետ հանդիպումներ, կամավորական աշխատանք, աշխատանք, ակումբներին և կրոնական արարողություններին մասնակցելը։

«Համայնքում բնակվող տարեց մեծահասակների շրջանում սոցիալական կյանքի ավելի բարձր մակարդակը ցույց է տալիս հիշողության, կողմնորոշման և գործադիր գործառույթների աստիճանական և կայուն բարելավումներ», - ասվում է ուսումնասիրության մեջ։

Հետազոտողների կարծիքով՝ արդյունքները գիտականորեն հիմնավորում են կենսունակ հաղորդակցության և ակտիվ սոցիալական կյանքի օգուտները տարիքային ճանաչողական անկման կանխարգելման գործում, հաղորդում է «ՌԻԱ Նովոստին»։

Գիտնականները համոզված են, որ սոցիալական ակտիվությունը պետք է ներառվի առողջ ծերացման և դեմենցիայի կանխարգելման ծրագրերում։

Հետևեք NEWS.am Medicine-ին Facebook-ում և Twitter-ում