Բելգիացի բժիշկները ցողունային բջիջների միջոցով վերականգնում են ոսկրերը

Բելգիացի բժիշկները ոսկրերի վերականգնման բնագավառում հաջողության են հասել նոր տեխնիկայի՝ ճարպային հյուսվածքի  ցողունային բջիջների օգտագործման շնորհիվ, որը իրենց կարծիքով կարող է ոսկրի մի շարք հիվանդությունների բուժման ուղի դառնալ:

Բրյուսելի Սեն Լյուիս կլինիկական հիվանդանոցի բժիշկների թիմն ուսումնասիրել է ոսկրի կոտրվածքներով  եւ անբուժելի արատներով 11 հիվանդի, որոնցից 8-ը երեխա են:

Բժիշկները տարիների ընթացքում  կոնքոսկրի վերին հատվածի ոսկրածուծից  հավաքել են ցողունային բջիջներ եւ հետո դրանք հետ են ներմուծել օրգանիզմ՝ ոսկրը վերականգնելու համար, տեղեկացնում է CBS News-ը։

Հետո  նորարարական տեխնոլոգիաների միջոցով հիվանդից վերցվում է  շաքարի կտորի մեծության ճարպային հյուսվածք (ավելի քիչ ինվազիվ մեթոդ, քան կոնքի ծակումը ասեղի միջոցով): Այնուհետեւ ցողունային բջիջներն առանձնացվում են եւ լաբորատորիայում օգտագործվում են ոսկրի աճեցման համար:

Հետևեք NEWS.am Medicine-ին Facebook-ում և Twitter-ում