• Latest news

Հայկական դեղագործական կազմակերպությունները մասնակցում են CPhI Worldwide 2015 ցուցահանդեսին

13 հոկտեմբերի, 2015  19:21

2015 թվականի հոկտեմբերի 13-15-ը Հայաստանի զարգացման հիմնադրամը հայկական դեղագործական ոլորտի բարձրակարգ արտադրանքով մեր երկրի տնտեսության առաջատար ճյուղերից մեկը ներկայացնում է «CPhI Worldwide» 2015 միջազգային դեղագործական ցուցահանդեսում՝ միասնական տաղավարով:  

GMP՝ պատշաճ արտադրական գործունեության հավաստագրեր ստացած «Լիկվոր» և «Արփիմեդ» ընկերությունները, ինչպես նաև միջազգային հավատարմագրում անցած «Դարմանթեսթ Լաբորատորիս» և «Էֆ Դի Էյ Լաբ» լաբորատորիաները հայկական տաղավարում, ըստ էության, կամփոփեն երկրի դեղգործակալության ոլորտի ներուժն ու արտահանման հնարավորությունները:

«Դեղագործական ոլորտը մեր երկրի տնտեսության գերակա ճյուղերից մեկն է և երկրի կառավարությունն ամեն կերպ խթանում է արտահանման հնարավորությունները: Հայաստանի զարգացման հիմնադրամը նախատեսում է եվրոպացի պոտենցիալ գործընկերներին մեկ միասնական տաղավարով ներկայացնել մեր երկրի դեղագործության ոլորտը, որը վերջին տարիներին շատ է զարգացել և արտահանման մեծ ներուժ ունի: Պատշաճ արտադրական գործունեության հավաստագրերը և միջազգային հավատարմագրումը հայկական ընկերությունների համար բացում են միջազգային շուկայի դռները, իսկ նման մասշտաբային ցուցահանդեսը շատ լավ հարթակ է նոր պայմանավորվածությունների ձեռքբերման համար»,- նշել է Հայաստանի զարգացման հիմնադրամի գործադիր տնօրեն Արման Խաչատրյանը:

«CPhI Worldwide» ցուցահանդեսը դեղագործության ոլորտի ամենակարևոր միջոցառումներից մեկն է: Ցուցահանդեսին տարեկան մասնակցում է շուրջ 2500 դեղագործական կազմակերպություն՝ ավելի քան 150 երկրից, այցելում է ավելի քան 35 հազար մասնագետ։  

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է