Առողջ դիետան օգտակար է ինչպես սրտի, այնպես էլ կազմվածքը պահպանելու  համար: Իսկ բյուջեի նախապես պլանավորմամբ՝ կարելի է  տնտեսել՝ ինչպես հաղորդում է Health Clevelenad Clinic-ը:

Նախքան խանութ ուղեւորվելը, ստուգե՛ք թե ինչ մթերք  է բացակայում եւ փորձե՛ք գնացուցակ կազմել: Դա Ձեզանից շատ ժամանակ չի խլի:

Այսպիսով Ճիշտ սնվելու համար Ձեզ հարկավոր են միմիայն  թարմ բանջարեղեն, մրգեր, ձավարեղեն, հատիկաընդեղեն  եւ սպիտակուցներ:

Լավ կլինի, եթե գնեք սեզոնային մրգեր եւ բանջարեղեն: Այս դեպքում կարող եք համոզված լինել, որ գնում եք թարմ մթերք, բացի այդ սեզոնին ամեն ինչ մատչելի  է: Կարող եք նաեւ ինքներդ այն տան պայմաններում աճեցնել: Սկսե՛ք՝ տնկելով լոլիկ կամ դդմիկ:

Աշխատե՛ք մշակված եւ պատրաստի մթերք չգնել, քանի որ այն պարունակում է ավելի մեծ քանակով աղ, շաքար, ճարպ, քան տան պայմաններում պատրաստված ուտելիքը:

Գնե՛ք անյուղ միս, օրինակ հնդկահավ: Շատ ձկներ պարունակում են մեծ քանակով օմեգա 3 ճարպաթթուներ: Օմեգա 3 ճարպաթթուներ առկա են իշխան ձկան մեջ, բայց եթե Ձեր հնարավորությունները Ձեզ թույլ չեն տալիս գնել այն, ապա կարող եք այն փոխարինել սարդինայով կամ պահածոյացված թյունոսով:

Երբեմն ավելի լավ է ընտրել պատրաստման  ավելի պարզ եւ հին մեթոդները: Գնելով  անեփ սնունդ եւ  տան պայմաններում ինքներդ որեւէ ուտեստ  պատրաստելով՝ կարող եք տնտեսել հսկայական գումար:

Ահա մի քանի խորհուրդներ թե ինչպես կարելի է պատրաստել այս կամ այն ուտեստը, որպեսզի լինի եւ՛ օգտակար, եւ՛ շահավետ:

Միս

Տապակելու եւ գրիլի համար ընտրե՛ք ոչ յուղալի միս եւ  հեռացրե՛ք եղած ճարպն ու կաշին:

Բանջարեղեն

Վիտամիններով լի եւ առողջարար բանջարեղեններից մեկը լոբին է: Լոբին շատ սննդարար է եւ պարունակում է շատ մանրաթելեր: Այն կարելի է պատրաստել թե՛ որպես առանձին ուտեստ, թե՛ որպես գարնիր, որը մատուցվում է մսային ուտեստի հետ:

Որոշ հացահատիկներ, օրինակ  վարսակը կամ դրանից պատրաստված շիլան, օգնում են նվազեցնել վատ խոլեստերինի՝ LDL-ի քանակը:

Քաղցրավենիք

Եթե որոշել եք ինքներդ Ձեձ մի քիչ երես տալ, ապա կարող եք ընտրել մուգ շոկոլադ, չիր, ընկույզ կամ սառեցված մրգեր (խաղող, բանան, մանգո, հատապտուղներ  արքայախնձոր):