Ոչ ճիշտ ընտրված վարժությունները կամ նրանց սխալ կատարումը երբեմն բերում են նրան, որ դուք այդպես էլ չեք կորցնում թանկարժեք կալորիաները մարզման ժամանակ: Ֆիթնեսի մասնագետները հայտնաբերել են մարդկանց մեծամասնության ամենատարածված սխալները մարզումների ժամանակ, եւ Fox News հեռուստաալիքով ցույց են տալիս, թե ինչպես ուղղել դրանք:

1. Ինչպես ճիշտ ձեւով բարձրացնել ծանրությունները

Յուրաքանչյուր վարժություն բաղկացած է 2 փուլից. Կոնցենտրիկ (համակենտրոն)՝ կծկում, եւ էքսցենտրիկ (ապակենտրոն)՝ թուլացում: Շատերը ծանրություն բարձրացնելիս հրում են կատարում:

«Ծանրության տակ ձեռքերը ծալելիս հրում կատարելը՝ շատ տարածված սխալ է: Փաստացիորեն վարժության ողջ էքսցենտրիկ փուլն այս դեպքում դառնում է անարդյունավետ, բացի դրանից նաեւ վտանգավոր, քանի որ հնարավոր է վնասվածք ստանալ», - ասում է Թենեսի նահանգի Նեշվիլլի STEPS Fitness կենտրոնի հիմնադիր եւ ֆիզկուլտուրայի հոգեբան Իրվ Ռուբինշտեյնը: Փորձեք դանդաղ հաշվել մինչեւ երկուսը կոնցենտրիկ փուլի ժամանակ եւ մինչեւ չորսը կամ հինգը էքսցենտրիկ փուլի ժամանակ:

2. Վազքուղի

Վազքուղում՝ կողային կանգնակներից ոչ ճիշտ բռնվելը, իսկ առավել եւս «կախվելը» կոպիտ սխալ է, քանի որ ճիշտ մոտեցման դեպքում վազքուղու վրա կարելի է շատ ավելորդ կալորիաներ ծախսել, ասում է Ռուբինշտեյնը:

«Օգտագործեք կողային կանգնակները միայն ուղղության հսկման համար՝ թեթեւ հպվելով դրանց մատների ծայրերով: Եթե դժվարություններ են առաջանում, ապա փոքրացրեք թեքման անկյունը եւ իջեցրեք տեմպը», - ասում է նա:

3. Մի սպասեք մինչեւ ձեր սիրելի մարզասարքը կազատվի

Երբեմն ֆիթնես սրահներն այնքան մարդաշատ են լինում, որ մարզասարքն ազատվելու համար պետք է կանգնել եւ սպասել: Սա ժամանակի անիմաստ կորուստ է, ասում է ֆիզկուլտուրայի հոգեբան Թոմ Հոլլանդը:

«Դրա փոխարեն փորձեք մարզասարքերի եւ մարզագույքի հետ չկապված այլ վարժություններ կատարել, օրինակ՝ թեքումներ, հրումներ կամ ցատկեր», - ասում է նա:

4. Վարժությունների արանքում ձգումներ մի կատարեք

Մարզման մեջտեղում ձգումները կարող են բարդացնել վարժությունների մնացած մասի կատարումը, ասում է Ռուբինշտեյնը: Թողեք դա մարզման վերջում:

5. Մի հանձնվեք առաջին իսկ դժվարության դեպքում

Մարզումն արդյունավետ չի լինի, եթե դուք առավելագույն ջանք չգործադրեք, ասում է Հոլլանդը:

6. Դուք ուշանում եք մարզումներից կամ շուտ եք հեռանում

Նախավարժանքը կամ հանգիստը բաց թողնելով դուք բաց եք թողնում մարզման կարեւոր մասերը, ասում է Ջեսիկա Մեթյուզը՝ Քալիֆորնիա նահանգի Սան Դիեգոյի Miramar քոլեջից:

7. Վազքուղու վրա վազելիս՝ մի կարդացեք

Հոլլանդը խորհուրդ է տալիս վազքուղու վրա չկարդալ, ինչպես նաեւ չշեղվել՝ տեքստային հաղորդագրություններ ուղարկելով կամ մարզման հետ կապ չունեցող ուրիշ պատճառներով: