նախընտրելի դարձնել
Խոլեստերինում դիսբալանսը կարող է կապված լինել շարժական նեյրոնների հիվանդության հետ՝ պարզել են Էքսետերի համալսարանի գիտնականները:
BBC-ի հաղորդմամբ՝ հիվանդությունը խոցում է գլխուղեղում եւ ողնուղեղում նյարդային բջիջները, ինչը հանգեցնում է մկանային հսկողության կորստին: Արդյունքում պացիենտը դադարում է շարժվել, խոսել, կուլ տալ եւ շնչել:
Այդ հիվանդության դեմ դեղամիջոցներ չկան: Մասնագետները նույնիսկ հստակ չգիտեն դրա զարգացման պատճառները: Վերջին հետազոտության շրջանակում գիտնականները նկատել են 13 գեն, որոնք կապված են խոլեստերինի հետ: Եթե դրանք փոփոխված են եղել, զարգացել է հիվանդությունը: Գիտնականները վստահ են, որ բացահայտումը թույլ կտա ոչ միայն պարզել այդ հիվանդությանը հակված մարդկանց, այլ, հնարավոր է, գտնեն նոր դեղամիջոց, որը կլինի աշխարհում առաջինը:
