նախընտրելի դարձնել
Օգոստոսի 15-ին Ամերիկայի ամենածեր բնակիչ Էսթեր Ֆորդն իր 116-ամյակը նշել է 12 երեխաների, 68 թոռների, 125 ծոռների եւ 120 թոռան ծոռների շրջապատում, հայտնում է Unilad-ը։
Էսթեր Ֆորդը ծնվել է Հարավային Կարոլինա նահանգի Լանքասթեր շրջանում եւ վերապրել է 2 համաշխարհային պատերազմներն ու 2 համավարակներ։
Այդ օրը բոլոր ծանոթներն անցել են Էսթերի տան մոտով՝ նշելու նրա տարեդարձը, COVID-19 համավարակի պայմաններում պահպանելով հոբելյարի անվտանգությունը։
Կնոջ իսկական տարիքը բազմաթիվ վեճերի թեմա է։ Ծննդյան վկայականի համաձայն՝ նա ծնվել է 1905 թվականին, սակայն ըստ այլ փաստաթղթերի՝ Էսթերի ծննդյան տարեթիվն է 1904-ը։
Այդուհանդերձ, անկախ այն հանգամանքից նա դարձել է 115 թե 116 տարեկան, ըստ Հետազոտությունների գերոնտոլոգիական խմբի տվյալների՝ Էսթերը Ամերիկայի ամենածեր բնակիչն է։
Էսթերը չի կարող ասել, թե ինչու է այդքան երկար ապրում։ Այդ հարցին պատասխանելիս նա մշտապես ասում է․ «Ես ուղղակի ճիշտ եմ ապրում։ Ահա եւ ամենը»։
