նախընտրելի դարձնել
Լավ ֆիզիկական վիճակում գտնվող մարդիկ ավելի քիչ շանսեր ունեն՝ բախվելու Ալցհեյմերի հիվանդության։ Այս մասին են վկայում Նյարդաբանության ամերիկյան ակադեմիայի ամենամյա հավաքում ներկայացված նոր հետազոտության նախնական տվյալները։
Վաշինգտոնի բժշկական կենտրոնի մասնագետների հետազոտությունը ցույց է տվել, որ մարդկանց ֆիզիկական վիճակի բարելավման հետ մեկտեղ նվազում է Ալցհեյմերի հիվանդության ռիսկը։ Սա նշանակում է, որ մարդիկ կարող են աշխատել իրենց մարզավիճակի աստիճանական փոփոխությունների եւ բարելավումների վրա եւ նվազեցնել լուրջ հիվանդության ռիսկը:
Հետազոտությանը, որը ղեկավարել է բժիշկ Էդվարդ Զամրինին, մասնակցել է զինված ուժերի 649 000 վետերան, որոնց միջին տարիքը 61 է: Հետազոտման միջին ժամանակահատվածը ինը տարի էր: Հետազոտության սկզբում նրանք Ալցհեյմերի հիվանդություն չունեին։
Մասնակիցները բաժանվել են 5 խմբի՝ ըստ պատրաստվածության աստիճանի։ Ֆիզիկական պատրաստվածության մակարդակը որոշվել է նրանով, թե որքան լավ են մասնակիցները մասնակցել վազքուղու թեստին: Միջին եւ մեծ տարիքի մարդկանց համար մարզավիճակի լավագույն մակարդակը կարելի է ձեռք բերել շաբաթական 2,5 ժամ ակտիվ քայլելով:
