Համաձայն Arthritis Care & Research ամսագրում հրապարակված նոր հետազոտության, ռևմատոիդ արթրիտը (ՌԱ) կապված է սրտի անբավարարության ենթատեսակների զարգացման ավելի բարձր հաճախականության հետ:

Բոստոնի Բրիգամի հիվանդանոցի բժիշկ Յումեկո Կավանոն և նրա գործընկերները գնահատել են ռևմատոիդ արթրիտով հիվանդների մոտ սրտի անբավարարության ենթատեսակների զարգացման ռիսկը, համեմատած ՌԱ-ով չտառապող մարդկանց ստուգողական խմբի հետ։

Հետազոտությանը մասնակցել է ՌԱ-ով  1445 հիվանդ և առանց ՌԱ-ի ստուգողական խմբի համեմատելի 4335 հիվանդ:

Հետազոտողները պարզել են, որ սրտի անբավարարությունը արտամղման պահպանված ֆրակցիայով (գլխավոր պոմպային խցիկում արյան տոկոսի բաժինը, որն արտանետվում է յուրաքանչյուր սրտի բաբախումով) սրտի անբավարարության ամենատարածված ենթատեսակն է երկու խմբերում (65% ՌԱ-ի դեպքում, 59% առանց ՌԱ-ի):

ՌԱ-ով հիվանդներն ունեին սրտի անբավարարության զարգացման ավելի բարձր ռիսկ, քան առանց ՌԱ հիվանդները (ռիսկի գործակիցը՝  1.79), հաշվի առնելով  սրտանոթային հիվանդությունների հավանականության գործոնները: ՌԱ-ով հիվանդների մոտ նկատվել է նաև արտամղման ֆրակցիայի ավելի բարձր մակարդակ (ռիսկի գործակիցը՝ 1.99):

«Պարզվել է, որ բարձր ռիսկը պայմանավորված է արտամղման ֆրակցիայով, ինչը հաստատում է  արտամղման ֆրակցիայի դեպքում բորբոքման դերը և  ընդգծում ՌԱ-ի դեպքում այդ հավելյալ ռիսկի վերացման պոտենցիալ հնարավորությունները։ 

Քանի որ բորբոքումը կարելի է ձևափոխել հակաբորբոքային դեղամիջոցներով, անհրաժեշտ են լրացուցիչ հետազոտություններ՝ պարզելու համար, թե արդյոք բուժման հակաբորբոքային մեթոդները կարող են նվազեցնել արտամղման ֆրակցիայի զարգացման ռիսկը ՌԱ-ով հիվանդների և քրոնիկ բորբոքում ունեցող այլ անձանց մոտ»,- նշել են գիտնականները: