Ուղեղի ցնցում տարած մարդիկ  կարող են Ալցհեյմերի հիվանդությանը բնորոշ վահանիկների զարգացման ավելի բարձր ռիսկ ունենալ, համաձայն Neurology ամսագրում հրատարակված հետազոտության տվյալերի:

Նոր հետազոտությունն ուսումնասիրում է  ուղեղի ցնցումների եւ գլխուղեղում բետա-ամիլոդային վահանիկների միջեւ հնարավոր կապի առկայությունը:  Չնայած հետազոտությունը չկարողացավ ապացուցել  պատճառահետեւանքային կապը, բայց այն կօգնի լույս սփռել  գանգուղեղային վնասվածքների հնարավոր հետագա հետեւանքների վրա, հաղորդում է Fox News-ը:

Հետազոտության ղեկավար Միշել Միլկեն,  Մայոյի համալսարանից,  սկանավորեց 70-ն անց 589 մարդու ուղեղները: Նրանցից  141-ի մոտ  եղել են ճանաչողական խանգարումների թեթեւ ախտանշաններ: Նրանցից բոլորից հարցրել են այն մասին, ունեցել են արդյոք  նախկինում ուղեղի ցնցում:

Հետազոտողները բացահայտել են, որ  առանց մտավոր  կամ հիշողության խանգարումների 448 մարդուց 17%-ի մոտ նախկինում եղել է ուղեղի վնասում, իսկ   հիշողության հետ խանգարումներ ունեցող 141 մարդուց 18% -ը հաղորդել են ուղեղի ցնցման կամ գլխուղեղի այլ խանգարումների մասին:

Գլխուղեղի վնասում տարած, հիշողության եւ մտավոր խանգարումներով մարդիկ,  գլխուղեղում 18%-ով ավելի շատ  վահանիկներ ունեին ( Ալցհեյմերի հիվանդության տարբերակիչ նշան), քան  նրանք ովքեր չեն ունեցել գխուղեղի վնասվածքներ:

«Սա ընդհանուր գլուխկոտրուկի հետաքրքիր մասն է, ասում է Կիտ Ֆարգոն, Ալցհեյմերի Ասոցացիայի տնօրենը,- մենք շատ ուրախ ենք, որ այս ոլորտում հետազոտություններ են կատարվում: Մենք պետք է ավելի շատ բան իմանանք գանգուղեղային վնասվածքների եւ ավելի մեծ տարիքում  թուլամտության զարգացման մասին»: